Letas Teke Riso Tei Mae Pol Ka Khiloau Rom 11:17 - Buka Blahi Ka Cheke Holo

¹⁷ Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Letas Teke Riso Tei Mae Pol Ka Khiloau Rom 11:17 ပူးပေါင်းရင်းမြစ်များ

Efesus 3:6

U gaoghathogna Nonomho te Keli teke poru igne God magnahaghe ghami ghotilo te mala kaisei vike nei kaisei thini balumi ghehati mae Jiu. Eghuteuna unha teke nhaꞌa chekeni God ka ghehati eigna mae Jisas Kraes igne mala nomi la ghotilo.

Profet Jeremaea 11:16

Teke chekeni iara ka ghotilo tifa ia, ghotilo jateula kaisei famane gaju oliv te keli khaklagna nei fuꞌagna teura neku. Nu gognarona, iara na goigoni ghami ghotilo, jateula fila nei nakafli eghu te goigonidi gaju oliv te klopa gregedira eghu.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Matiu 21:43

“Eghume te chekeni iara ka ghotilo na. God ginauna hata fadelei nolaghi na ka ghotilo naikno teke funei frunidi mana re. Aonu God ginauna ke tusu lao nolaghi igne ka naikno te edi unha te magnahaghedi mana re.

Nodi Khoje Hatimare Mae Jiu 52:8

Nu iara gne theome eghu jare. God na reireghini nakarhagu iara na gne jateula gaju oliv te au rhegna sugagna God na ia eghu. Iara fatutuani ni God eigna mana kokhoni ghau iara fabrahu tifa tifa.

Kolose 2:13

Tifa na, ghotilo neke jateula te lehehi neku naugna nakhibo teke edi ghotilo re nei naugna ghotilo neke theome snagla ka nogna nolaghi nakhibo te funei frunidi gaoghathomi are. Nu God neke fakarha fapulo ghami balugna mae Kraes. Eghuteuna God hata fadeleidi la gnafahi nakhibomire.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Thakle 11:4

Phei mae profet igre phei gaju oliv nei phei juta biꞌo. Mare ginauna kegra ke ulugna mae funei gna nauthoglu igne.

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Profet Sekaraea 4:3

Phei gaju oliv jaola kegra rhedi juta igre, kaisei fei nhetagna, eghuteuna keha na fei maerigna.”

Profet Jona 1:16

Mae te loku ka vaka na igre ne mhaghuni fara Lord kate filoni glepo igne. Aonu, mare atha kaisei glepo tautagu ne fafara ka Lord nei jaola ne nhaꞌa cheke ka mana.

Profet Isaia 6:13

Neubane phei, ba thiloi naikno te au na, iara ginauna na jaola goigonidi. Neuba, nogu naikno blahi majaghani iara igre ne jateula gaju majaghani te seseke haghe ka pesigna teke kato soruhi ra neu.”

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Galesia 2:15

Tutuani ghehati neke karha mei Jiu, eghuteuna ghehati theome iheire mae Jiu te kilodi, “Naikno te au ka nakhibo naugna mare theome mae Jiu.”

Jone 15:1

Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Letas Teke Riso Tei Mae Pol Ka Khiloau Rom 11:24

God la salo fodu ghamihi ka thofno gaju oliv igne, neuba ghotilo ne jifla mei ka gaju oliv nathua kolho. Tutuani, ninhigrana fara grege gaju nathua na te salo fodu balugna thofno grege gaju na. Nu thofno bligi fara God te salo fodu fapulodi hatimare mae Jiu gre ka thofno gaju oliv, naugna mare jateula gregegna tutuani eghu thofno gaju oliv na.