Letas Teke Riso Tei Mae Pol Ka Khiloau Rom 11:13 - Buka Blahi Ka Cheke Holo

¹³ Gognaro na iara cheke ka ghotilo iheire te theome Jiu ra. Iara ghatho tahuni nogu gloku na, eigna God neke vahi ghau iara nei kuru ghau mala loku ka ghotilo iheire te theome Jiura.

Letas Teke Riso Tei Mae Pol Ka Khiloau Rom 11:13 ပူးပေါင်းရင်းမြစ်များ

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Ululahu Timoti 2:7

Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Galesia 2:2

Iara tei jare naugna God neke cheke mala tei iara. Eghuteuna ka kaisei faidu baludi mae biꞌo ka khiloau na, iara neke famane cheke ka mare eigna te toutonuni thegu u Nonomho te Keli na ka iheire te theome Jiu. Naugna iara gaoghathogu na theome magnahagheni God te filoni nogu gloku iara teke eni teke mei funu tifeiro nei te eni teu iara gognaro gne te theo nafugna kolho.

Mae Khuru 22:21

“Nu Lord ne cheke eghu ka iara, ‘Jifla sagho gognaro! Iara ginauna na kuru tei nigho iagho kate gaꞌu ka namono aheva te au naikno te theome Jiu.’ ”

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”