Letas Teke Riso Tei Mae Pol Ka Khiloau Rom 10:14 - Buka Blahi Ka Cheke Holo

¹⁴ Nu faꞌunha eghu tangomana mare te tore ka Lord na mala toghodi, jame te theome kulu fatutuani mare na? Theome tangomana. Ba, faꞌunha eghu fatutuani mare ka Lord, jame te theome kulu nomhini mare kaisei thoutonu eigna mana na? Ba, faꞌunha eghu nomhini mare u thoutonu na, jame te theo kaisei naikno te toutonuni ka mare u Nonomho te Keli na?

Letas Teke Riso Tei Mae Pol Ka Khiloau Rom 10:14 ပူးပေါင်းရင်းမြစ်များ

Taetus 1:3

Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Mae Khuru 8:31

Mae biꞌo na ne cheke eghu, “Thono theo fara. Faꞌunha me laseni iara eghu te theo kaisei mae te mala farirhiu ghau na?” Mana ne toreni mae Filip mala apla haghe ka chariot na mala gnokro rhegnai.

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Efesus 4:21

Ghotilo neke thofno nomhinihi eigna mae Jisas Kraes, eghuteuna ghehati neke farirhiu ghami ghotilo unha te tutuani na.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Mae Khuru 19:2

Mae Pol ne ghusna eghu ka mare, “Ba, kate funu fatutuani na, ghotilo hatini u Tharunga te Blahi na?” Mare ne cheke eghu ka mana, “Theo, ghehati theome nomhini eigna u Tharunga te Blahi na!”

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Profet Jona 1:16

Mae te loku ka vaka na igre ne mhaghuni fara Lord kate filoni glepo igne. Aonu, mare atha kaisei glepo tautagu ne fafara ka Lord nei jaola ne nhaꞌa cheke ka mana.

Profet Jona 1:5

Mae te loku ka vaka na igre ne mhaghu nodi fara, eghuteuna mare te gnafa na ne tarai balu eha fabiꞌo ka nodi god re mala toghodi. Mare ne koko soru nodi glujare naugna vaka na ne namo lodu. Aonu kate funu ghaghafa faheta nuri na, mae Jona soru pari lamna vaka ne thuru iho.

Jone 9:36

Mana ne cheke eghu ka mae Jisas, “Mae biꞌo, mae ihei sia? Cheke ranghi ghau iara mala fatutuani ni mana iara.”

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Diutronomi 30:13

Theome au ke lamna nhorora, eghume iagho theome tangomana te cheke eghu na, ‘Ihei nate soru lamna nhorora te mala hata te mei ka tahati na, mala tangomana tahati te nomhi ni nei leghuni teuna?’

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’