Letas Teke Riso Tei Mae Pol Ka Khiloau Rom 1:28 - Buka Blahi Ka Cheke Holo

²⁸ Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Letas Teke Riso Tei Mae Pol Ka Khiloau Rom 1:28 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Profet Jeremaea 9:6

Ghema Jeremaea. Iagho tei au fari hoteidi naikno te chaichaghi koba nei theome filo glani ghau iara teu are.” Igne chekegna Lord.

Letas Teke Riso Tei Mae Pol Ka Khiloau Rom 1:24

Eghume God lisa laodihi mae igre mala leghudi kolho gaoghatho te diꞌa te au ka nagnafadire mala gnognoro fabrahu nei lalamadi eghu thinidire fari thedi.

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Profet Jeremaea 6:30

Naugna mae igre jateula chara silva eghu kolho, iara Lord la figri tagrudihi naikno te diꞌa igre.”

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Proveb 1:29

Ghotilo tiromi hata glalase te keli, nei tiromi ghatho tahuni Lord.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Letas Teke Riso Tei Mae Pol Ka Khiloau Rom 1:18

Diꞌatagna God na thakle mei kligna. Mana ginauna fatedi naiknore eidi nakhibo te gnafa nei nafnata glepo te jafra te gnafa eghu te edi mare re. Naugna nafnata puhi te edi mare igre fanograni chekegna God te tutuani na.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Letas Teke Riso Tei Mae Pol Ka Khiloau Rom 1:26

Naugna igne, God ne lisa laodi nafnata naikno igre mala edi glepo te thofno diꞌa fara te magnahaghei mare ka nagnafadire. Tulao goro gaꞌasere theome thuru fodu ka khetodire, nu rehati thuru tafri kolho fari gaꞌase.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Fapea Pita 3:5

Nu mae igre theome magnahaghei te laseni kaisei glepo. Tifa na God neke cheke kolho, eghuteuna maloa ghe glose gre ne thakle mei. Mana neke vuavuha glose gne mala thakle mei fari hotei khoꞌu, eghuteuna ka khoꞌu mana neke vuavuha gobigna lepo ka nauthoglu gne.

Filimon 1:8

Gognaro na iara magnahaghei toreni ka iagho kaisei glepo te keli. Iara magnahagheni igne naugna glepo doglo te mala eni iagho na. Neuba iara ne au nolaghi te mala huhuru nigho ka nanghagna mae Kraes te mala eni igne, iara namha nigho nei tore nigho mala eni igne kolho. Uve, iara mae Pol, eghuteuna iara la mae khueku'ehi gognaro agne ka sosolo malagna mae Jisas Kraes.

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Mae Khuru 17:23

Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Fapea Samuel 22:27

“Iagho theome eni kaisei glepo te diꞌa ka iheire te theome eni kaisei glepo te diꞌa. Nu iagho paradi koba iheire te edi puhi te diꞌa.

Nodi Khoje Hatimare Mae Jiu 69:27

Fatedi sagho eidi nakhibo teke edi mare ra. Thosei snakreni kaisei naikno mala karha ka mare.

Profet Esikiel 20:25

Eghume iara na snakre di kolho mare te mala leghudi ka keha vetula nu cheke teu te diꞌa re, nu na theome tangomana mare te toghodi thedi mala au ka nakarha te keli.

Profet Esikiel 14:5

Iara ginauna eni igne, naugna iara magnahaghei te figri gaoghathomi ghotilo naiknomi Israel tela tei koko ghauhi iara tela tarai fabrahu ka mumuju ra.’