Letas Teke Riso Tei Mae Pol Ka Khiloau Rom 1:23 - Buka Blahi Ka Cheke Holo

²³ Mare la lilisei fadeleihi puhi te mala ghatho tahuni God mae ihei te karha te tifa na. Eghuteuna mare hohoro mumuju jateula naikno, ba nanghaji ba mogo ba keha nafnata glepo te tautagu te au mata. Igre glepo te thufru sorudi mare re!

Letas Teke Riso Tei Mae Pol Ka Khiloau Rom 1:23 ပူးပေါင်းရင်းမြစ်များ

Nodi Khoje Hatimare Mae Jiu 106:20

Mare neke tughu nodi God te fnakno fara na ka mumuju gna buluka te ghamu buburu na ne tarai tagna. Ka puhi igne mare thofno tapla faparini nanghagna God na.

Profet Jeremaea 2:11

Nodi god keha kantri igre theome god tutuani. Nu vike igre theome tughu nodi god re mala leghuni kaisei god majaghani kolho. Nu ghotilo nogu naikno iara igre tughu nomi god majaghani la tei koko ghau iara. Tore! God igre theome tangomana nate togho ghami ghotilo na!”

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Letas Teke Riso Tei Mae Pol Ka Khiloau Rom 1:25

Mare tirodi fatutuani ni chekegna God te tutuani na, eghuteuna mare fatutuanidi kolho thoutonu te chaichaghire. Jaola, mare tufru sorudi nei loku ranghidi eghu glepo teke vuavuha God re. Nu mare ghatho ihoni te tufru soruni nei loku ranghini teu God mae ihei teke vuavuhadi gobigna lepo igre. God mae ihei naiknore naba te cheke fakelini tifa te tifa. Amen.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Profet Esikiel 8:10

Aonu, iara tei lamna ne filodi te drou mare thua nafnata thotoghale ka gringnigna chogho igne. Mare drou thotoghale mogo nei thotoli, nei glepo tautagu te theome klino ka tathagna God, eghuteuna mumujudi keha glepo te tarai tadi naiknodi Israel.

Diutronomi 5:8

Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Profet Isaia 44:13

Ghotilo kulu ghathoni igne. Kaisei mae kapenta drou thotoghale naikno ka kaisei vido thaba. Aonu mana famane sari gaju igne mala jateula kaisei naikno eghu. Aonu mana lilisei haghe mumuju igne ka kaisei vido blahi ka nogna suga na mala tarai tagna.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Ululahu Korin 12:2

Uve, ghotilo laseni kani au teku ghotilo ka nodi puhi iheire te theome fatutuani God ra, mae Satan neke batu fadelei ghami te mala pogho soru ghotilo ka mumuju te theo karha tadire.

Profet Isaia 40:26

Ghotilo filo haghe ka maloa gno! Ihei teke edi nathunu are?” Lord neke edi neke lilisei ka thofno vido mala audire, eghuteuna mana jaola neke lilisei nanghadi. Naugna mana thofno nheta fara nei au nolaghi fateote'o, eghuteuna theo kaisei nathunu te dofi ka mala augna na.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Mae Khuru 10:12

Ke lamnagna u pohe biꞌo tuana au soasopai nafnata glepo tautagu fateote'o nei nafnata thotoli fateote'o nei nafnata mogo fateote'o nei nafnata nanghaji fateote'o.