Letas Teke Riso Tei Mae Pol Ka Khiloau Rom 1:17 - Buka Blahi Ka Cheke Holo

¹⁷ U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Letas Teke Riso Tei Mae Pol Ka Khiloau Rom 1:17 ပူးပေါင်းရင်းမြစ်များ

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Galesia 3:11

Thofno glola fara ngala, God neke theome eni kaisei naikno mala doglo ke ulugna mana eigna mana te leghuni vetula na. Naugna u grioriso te blahi na cheke eghu, “Mae ihei te fatutuani na, mana ginauna doglo ke ulugna God, eghuteuna mana ginauna hatini u thofno nakarha na.”

Hibru 10:38

“Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Letas Teke Riso Tei Mae Pol Ka Khiloau Rom 9:30

Igne unha te chekeni ghehati na. Neuba iheire te theome Jiu neke theome fariuriu hironi kaisei nabrou te doglo ka tathagna God na, mare la doglohi ka tathagna God na naugna mare neke fatutuani ni mae Jisas kolho.

Letas Teke Riso Tei Mae Pol Ka Khiloau Rom 3:21

Nu gognaro na God la kulu falalasehi nabrou te mala doglo tahati ke ulugna thegna na. Nogna vetula mae Moses nei nodi cheke hatimare mae profet mare cheke eigna nabrou igne. Nu mare theome chekeni tahati doglo ke ulugna God kate leghuni u nogna vetula mae Moses! Theo kolho.

Letas Teke Riso Tei Mae Pol Ka Khiloau Rom 3:3

Eghuteuna naikno Jiure neke eni kaisei nhaꞌa cheke ka God mala leghuni fabrahu teke eni mana ranghidi mare igne. Nu kmana naikno theome leghuni kolho u nhaꞌa cheke tuana. Ba, gaoghatho tuana mala jaola mana theome leghuni u nhaꞌa cheke teke eni mana ka mae Ebraham te mala fablahini vikegna mana na?

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Profet Esikiel 18:9

Mae igne leghudi nogu cheke iara re, eghuteuna mana theome huhughudi nogu vetula iara re. Mae ihei te doglo igne, mana ginauna hatini nakarha te keli na. Igne nogu cheke iara Lord God na.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 10:3

Mare theome filo glanini puhigna God te mala toghodi naiknore te mala au doglo ka tathagna mana na. Mare fariuriu leghuni kolho unha te magnahagheni thedi na, eghuteuna mare theome snakreni God mala toghodi ka puhi te mala au doglo ka tathagna God na.

Fapea Korin 3:9

Tutuani, nogna gloku vetula na au tagna siasigla nogna nolaghi biꞌo God na, neuba, nogna gloku vetula na mala fate falehedi naiknore. Eghuteuna nogna gloku Tharunga te Blahi na mala fadoglodi naiknore ke ulugna God. Igne au siasigla nogna nolaghi biꞌo God te keli fara ulu tulao gna tifa ia.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Naba 21:9

Aonu mae Moses ne eni kaisei mogo bras, mana ne nhaꞌa haghe ka khegra na ne fakegra haghe. Aonu naikno teke kathidi mogo phanaga re, mare ne filo haghe ka mogo bras igne neke keli fapulo nodi.