Letas Teke Riso Tei Mae Pol Ka Khiloau Rom 1:13 - Buka Blahi Ka Cheke Holo

¹³ Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Letas Teke Riso Tei Mae Pol Ka Khiloau Rom 1:13 ပူးပေါင်းရင်းမြစ်များ

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Ululahu Tesalonika 2:18

Ghehati magnahaghei ari sigho ghami, tulao iara mae Pol fariuriu kmana fata, nu mae Satan lhoti ghami ghehati te ari na.

Fapea Korin 1:8

Kheraguro, ghehati magnahaghe ghami ghotilo te lase fakelini eigna unha teke eni ranghi ghami ka Provins Esia. U puhi igre ninhigrana fara ranghi ghami ghehati. Tutuani fara, ghehati neke cheke eghu fari themi, “Tahati gne namo lehehi!” Nu puhi te eni igne theome mala rouronu ghami themi, nu mala rouronuni God ngala ihei te fakarha fapulodi iheire tela lehehira.

Ululahu Korin 12:1

Gognaro na kheraguro, iara magnahaghe ghami ghotilo te lase fakelini eigna nogna khokofakasai Tharunga te Blahi nate tusu mei God ka nogna naiknore.

Ululahu Korin 10:1

Kheraguro, iara magnahaghe ghami ghotilo te kulu ghathodi kuꞌeda teke leghuni mae Moses tifa ka namono nagou ia. Kaisei khoveo neke batudi neke kasa ka thongna te kiloni “Thongna Ukru”.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Fapea Tesalonika 2:7

Nogna nolaghi mae mala huhughuni vetula na igne loku ka nauthoglu gne gognaro na. Nu mana poru ghilei thokei narane God nate hata fadeleini ka nabrou na mae ihei te fanogra te theome edi glepo igre.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Ululahu Korin 9:2

Neubane theome filo glani ghau iara keha naiknore te mae khuru iara na, ghotilo filo glani ghau iara. Naugna ka nomi thofno nakarha majaghani ghotilo na, ghotilo kaisei balugna Lord. Igne fagaglana eigna te kaisei mae khuru tutuani iara na.

Mae Khuru 21:19

Mae Pol ne kubae ka mare, eghuteuna mana ne toutonu ranghidi gobigna lepo te edi God ke lamnadi mae te theome Jiu ka nogna gloku te edi mae Pol re.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Jone 12:24

Tutuani fara te chekeni iara ka ghotilo na. Jame kaisei sisi sopho koko soru ka glose na eghuteuna lehe, sisi tuana ginauna kotu haghe, eghuteuna ginauna ure sisi kmana. Nu jame te theome koko soru sisi tuana ka glose te lehe na, sisi tuana ginauna na kaisei fabrahu kolho.

Profet Isaia 27:6

Ka narane igne nate mei, Israel ginauna kotu jateula kaisei gaju te soru glathigna na ke lamna glose te keli, eghuteuna karha keligna me fufunu ure teura eghu. Eghuteuna nauthoglu igne ginauna fodu ka sisigna re.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 28:14

Eghuteuna ka namono igne ghehati ne filodi keha naikno khiloau, eghuteuna mare ne tore ghami ghehati mala au baludi kaisei wik. Leghu lahu na, ghehati leghu nabrou ne tei thoke ka namono biꞌo Rom.

Letas Teke Riso Tei Mae Pol Ka Khiloau Rom 1:12

Te ghathoni iara na nomi fatutuani ghotilo re ginauna togho ghau iara mala au heta fabrahu, eghuteuna nogu fatutuani iara na ginauna jaola togho ghami ghotilo mala au heta fabrahu.

Letas Teke Riso Tei Mae Pol Ka Khiloau Rom 7:1

Kheraguro, ghotilo ginauna laseni unha te chekeni iara tami na, naugna ghotilo thofno lasenihi nogna vetula mae Moses ia. Kate karha teu ngala naikno na, u vetula na au nogna nolaghi ke kligna gna mana.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Galesia 3:15

Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na.

Galesia 6:18

Uve kheraguro, iara toreni nogna khokofakasai noda Lord Jisas Kraes mala au balumi ghotilo. Amen. Me gnafa. Iara, mae Pol.

Filipae 1:22

Nu te karha brahu teu iara na, iara ginauna edi kmana gloku te keli. Eghume iara theome laseni aheva nate vahini iara na.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.