Nodi Khoje Hatimare Mae Jiu 99:9 - Buka Blahi Ka Cheke Holo

⁹ Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 99:9 ပူးပေါင်းရင်းမြစ်များ

Luku 1:49

Naugna God mae te nolaghi na ne togho ghau iara. Nanghagna na thono blahi fara.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Nodi Khoje Hatimare Mae Jiu 99:3

Kaisei God ngala te blahi na nei fnakno teuna. Eghume, tahati te gnafa na mala kafe cheke fakelini nogna nafnakno mana na.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Nodi Khoje Hatimare Mae Jiu 132:7

Eghuteuna ghehati ne cheke eghu, “Tahati na atha ari Bokis Blahi igne ka nogna Sugablahi Lord ia. Tahati mala pogho soruni mana ka vido aheva te gnokro teu mana ka nogna sape nafnakno.