Nodi Khoje Hatimare Mae Jiu 99:6 - Buka Blahi Ka Cheke Holo

⁶ Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 99:6 ပူးပေါင်းရင်းမြစ်များ

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Eksodas 15:25

Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Eksodas 14:15

Eghuteuna Lord ne cheke eghu ka mae Moses, “Naugna unha sagho te kilo ghau iara koba te mala togho nigho na gnea? Chekedi sagho mae Israel are mala tei faꞌulu.

Eksodas 32:30

Ka fapea narane na, Moses ne cheke eghu ka naiknore, “Tore! Nakhibo te eni ghotilo igne thono diꞌa fara! Gognarogne iara nake pulo ke haghe ka thogele gno mala ke cheke balugna Lord. Glahu tangomana iara te eni kaisei puhi te mala atha koko nakhibomi ghotilo re.”

Eksodas 17:4

Aonu mae Moses ne tarai ne cheke eghu ka Lord, “Lord, na faꞌunhadi sara naikno igrea? Naikno igre magnahaghei te fadi falehe ghau iara ka thina!”