Nodi Khoje Hatimare Mae Jiu 99:1 - Buka Blahi Ka Cheke Holo

¹ Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Nodi Khoje Hatimare Mae Jiu 99:1 ပူးပေါင်းရင်းမြစ်များ

Nodi Khoje Hatimare Mae Jiu 97:1

Lord na mae King! Naikno te gnafa ka nauthoglu igne, ghotilo glealeꞌa ka mana! Uve, ghotilo vike te gnafara jaola kafe glealeꞌa!

Eksodas 25:22

Iara ginauna thafo nigho nei cheke balumu iagho eghu ke kligna gna bokis igne, farihoteidi phei engel igre. Iara ginauna mei thafo nigho ka vido igne, iara ginauna tusu ari nogu chekere ka iagho mala leghudi ghotilo naiknomi Israel.”

Nodi Khoje Hatimare Mae Jiu 97:4

Kate phae mei ka namono te gnafa re nogna nakafli na, nauthoglu na nghali tongana jateula naikno te mhaghu te fififrira neu.

Nodi Khoje Hatimare Mae Jiu 93:1

Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Thakle 11:17

Mare ne cheke eghu, “Lord God te thofno nolaghi, ghehati cheke fakeli nigho. Iagho au fabrahu funu tifa nei jaola gognaro. Ghehati cheke fakeli nigho naugna iagho la hatahi nou nolaghi te biꞌo na te mala funei frunidi naikno te gnafare!

Thakle 6:14

Eghuteuna u maloa na jaola ne pipiri jateula khifra neu ne tei delei. Eghuteuna thogele te gnafa nei moumolu te gnafa teure ne riu fadelei ka mala au dire.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Profet Jeremaea 50:46

Kate uluni hatimare mae naoka kantri Babilonia, namono igne ginauna nghali, eghuteuna kantri te gnafa ka nauthoglu na igre ginauna nomhidi te tanhi fabiꞌo naiknodi Babilonia.

Profet Jeremaea 49:21

Kate uluni mae naokare kantri tuana, glose igne ginauna nghali tongana. Eghuteuna iheire te au khaba fara rhegna Thongna Ukru igre ginauna nomhini te tanhi fabiꞌo naiknore.

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Profet Jeremaea 4:24

Eghuteuna thogelere ne kafe nghali ne kheu tongana, eghuteuna gukhu te gnafare ne jaola ne thugha tafri ne theome au snoto.

Profet Isaia 19:14

Lord magnahaghedi mare te cheke ka naiknore, nu nodi cheke mae igre theome doglo kolho. Naugna phaꞌudi mae igre theome doglo, eghuteuna mae igre jateula mae te koꞌu te salaꞌu te thuru ke klignadi gluꞌadi thedi ra eghu kolho.

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.

Nodi Khoje Hatimare Mae Jiu 18:10

Kaisei engel ne palani mana ne ghosei flalo ne mei ka nuri biꞌo na.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Nodi Khoje Hatimare Mae Jiu 82:5

“Ghotilo thono fameomekro fara! Ghotilo theome laseni kaisei glepo! Puhimi ghotilore thofno diꞌa parilahu. Gognarona gobigna lepo te edi ghotilo kau nauthoglu igne theome doglo kolho.

Fapea Samuel 6:2

Aonu mana batudi tolufulu thogha mae igre ne tei ka namono Bala ke lamnagna kantri Juda mala ke hata fapulo nogna Bokis Nhaꞌa Cheke God na. Bokis Nhaꞌa Cheke igne mare kiloni nogna “Bokis Nhaꞌa Cheke Lord mae ihei te au nolaghi fateote'o.” Mana gnokro jateula king teu jare farihoteidi phei engel te gnokro ke kligna Bokis Blahi igne.

Ululahu Kronikols 16:30

Ghotilo naikno te gnafa ka nauthoglu ra, ghotilo ghatho tahuni mana! Lord neke vuavuha nauthoglu igne mala au rheta mala theome tangomana te nghali na.

Nodi Khoje Hatimare Mae Jiu 80:2

Fatakle meini sagho nou nolaghi na ka ghehati vikegna mae Efrem, nei vikegna mae Benjamin, nei vikegna mae Manase. Fatakle mei sagho nou nolaghi na ka ghehati hui. Uve, mei sagho mala fakarhi ghami ka khamedi mae naoka gre.

Nodi Khoje Hatimare Mae Jiu 96:9

Mana thofno blahi fara, eghume ghotilo pogho soru nei tufru soru eghu ka mana. Te keli na ghotilo te gnafa na mala ghatho tahuni mana!

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.