Nodi Khoje Hatimare Mae Jiu 98:2 - Buka Blahi Ka Cheke Holo

² Lord na la chekenihi tela uludihi nogna naokare kau magra, nei la fakakhanahi ka keha kantri are eigna mana te au nolaghi te fakarha ghita na.

Nodi Khoje Hatimare Mae Jiu 98:2 ပူးပေါင်းရင်းမြစ်များ

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Isaia 62:2

Eghuteuna naiknodi keha kantri igre ginauna laseni te doglo ghotilo ka tathagna God, eghuteuna hatimare mae king te funei frunidi kantri igre ginauna filo fakelini puhimi ghotilo te doglo jateula te filoni mare kaisei juta biꞌo ia eghu. Eghuteuna naiknore ginauna kilo ghami ghotilo kaisei nangha majaghani. Nangha igne Lord thegna nate tusu mei ka ghotilo na.

Nodi Khoje Hatimare Mae Jiu 22:31

Mare ginauna toutonuni puhimu iagho te keli na ka naikno nate karha mei thogheiro, na cheke eghu ranghidi, “God na neke fakarhidi nogna naiknore.”

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Letas Teke Riso Tei Mae Pol Ka Khiloau Rom 10:18

Nu iara na ghusna ka ghotilo, “Ba, naiknodi Israel gre jau theome nomhiu ngala si u Nonomho te Keli gnea?” Uve, mare la nomhihi, jateula te chekeni ka grioriso te blahi na ia eghu, “Nodi chekere la jiflahi ka naikno te gnafa ka nauthoglu gne, nodi chekere la tei thokehi ka namono te gnafa ka nauthoglu gne.”

Letas Teke Riso Tei Mae Pol Ka Khiloau Rom 9:30

Igne unha te chekeni ghehati na. Neuba iheire te theome Jiu neke theome fariuriu hironi kaisei nabrou te doglo ka tathagna God na, mare la doglohi ka tathagna God na naugna mare neke fatutuani ni mae Jisas kolho.

Luku 3:6

Naikno te gnafa ka nauthoglu igne ginauna na filoni God te mei fakarhidi nogna naiknore.’ ”

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”

Nodi Khoje Hatimare Mae Jiu 24:5

Lord ginauna fablahini nafnata naikno igne eghuteuna fakarhani mana nei God kiloni mae igne “mae theo nakhibogna.”

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”