Nodi Khoje Hatimare Mae Jiu 98:1 - Buka Blahi Ka Cheke Holo

¹ Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Nodi Khoje Hatimare Mae Jiu 98:1 ပူးပေါင်းရင်းမြစ်များ

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Nodi Khoje Hatimare Mae Jiu 96:1

Ghotilo kojeni kaisei khoje majaghani mala kilo fnaknoni Lord! Ghotilo te gnafa ka nauthoglu igne, ghotilo koje ranghini Lord.

Nodi Khoje Hatimare Mae Jiu 33:3

Koje ranghini mana ka khoje majaghani! Koje fakeli ka gita nei kafe eha fabiꞌo balu glealeꞌa!

Nodi Khoje Hatimare Mae Jiu 96:3

Ghotilo cheke thakleni nogna nolaghi mana na ka naiknodi keha kantri are. Uve, ghotilo cheke thakleni nogna gloku te biꞌo ka naikno fateote'o.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Mae Khuru 2:11

kehare karha Jiu ba kehare theome karha Jiu nu gognaro mare leghudi nodi khiloau mae Jiure. Eghuteuna keha ka tahati mei funudi Krit nei Arebia. Neuba ngau tahati kafe nomhidi mare cheke ka noda cheke tahati re eidi glepo biꞌo te edi God igre.”

Luku 1:49

Naugna God mae te nolaghi na ne togho ghau iara. Nanghagna na thono blahi fara.

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”

Profet Isaia 63:5

Iara thofno jaglo nogu fara te theo kaisei te mei togho ghau iara na. Nu diꞌatagu iara igne te farheta ghau iara na mala uludi iara thegu mae naoka igre.

Profet Isaia 42:10

Naikno te gnafa ka nauthoglu igne baludi gobigna lepo te au ke lamnagna! Ghotilo kojeni kaisei khoje majaghani mala kilo fnaknoni Nanghagna Lord! Ghotilo iheire te tei ka vaka ra, ghotilo kilo fnaknoni mana. Ghotilo gobigna lepo te au ba te taotao ke lamna thongna ra, ghotilo kilo fnaknoni mana. Ghotilo naikno te au ka kantri te khaba ra, ghotilo te gnafa na mala kafe kilo fnaknoni mana.

Nodi Khoje Hatimare Mae Jiu 149:1

Tahati kilo fnaknoni Lord! Tahati kojeni kaisei khoje majaghani ranghini Lord. Uve, tahati kilo fnaknoni mana ke uludi iheire te kafe mei te pogho soruni ka nogna Sugablahi na.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Profet Isaia 59:16

Mana ne jaglo nogna fara te theo kaisei naikno te toghodi iheire te au papara ka keha naiknore. Eghume, naugna nogna nhaꞌa cheke teke eni mana baludi nogna naiknore igne, mana thegna te fakarhidi naikno te au papara ke paridi nodi nolaghi keha naiknore.

Nodi Khoje Hatimare Mae Jiu 139:14

Iara cheke fakeli nigho iagho naugna u nafnata puhi teke vuavuha ghau iara iagho igne thofno keli fara nei jajaglo ana eghu fara. Ka gaoghathogu fateo iara na, iara thofno laseni eidi gobigna lepo te edi iara ra e thofno keli fara.

Nodi Khoje Hatimare Mae Jiu 136:4

Lord ngala teke edi kofubobhoi te biꞌo te jaglodi fara tahati gre. Mana ne namha ghita tahati tifa tifa.

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Nodi Khoje Hatimare Mae Jiu 77:14

God, kaisei iagho ngala te tangomana te edi kofubobhoire. Uve, tifa na iagho neke fakakhana nou nolaghi na ka keha naiknore.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Mae Khuru 19:20

Naugna ka puhi te nolaghi fara igre chekegna Lord na ne tei tongana heva heva ka namono te gnafare. Eghuteuna, kmana naikno ne fatutuani ni mae Jisas.

Thakle 6:2

Aonu iara ne filoni kaisei mae balugna kaisei phaloho nei kaisei jata, mana saghe ka hose vegha na ne jifla mei. Eghuteuna mare jaola ne nhaꞌa lao kaisei khepi nafnakno ka pha'ugna mana na. Mana saghe ne tei ka hose na jateula kaisei mae teke ulu kau magra eghu, eghuteuna mana saghe ne tei mala ke uluni keha magra na.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Nodi Khoje Hatimare Mae Jiu 72:18

Cheke fakelini Lord, noda God tahati naiknoda Israel. Kaisei mana ngala te edi glepo te keli re.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Profet Isaia 12:5

Tahati koje mala cheke fakelini Lord, naugna mana neke edi glepo te biꞌore. Snakredi naikno te gnafa ka nauthoglu igne mala nomhini nonomho igne.