Nodi Khoje Hatimare Mae Jiu 97:7 - Buka Blahi Ka Cheke Holo

⁷ Iheire fateo te pogho soru nei cheke fahaehaghedi teu eidi keha god are ginau mamaja nodi fara, naugna keha god are ginau pogho soru mala tarai kolho ka God.

Nodi Khoje Hatimare Mae Jiu 97:7 ပူးပေါင်းရင်းမြစ်များ

Hibru 1:6

Kate kuru meini God thofno mae Thugna ulu lahu kau nauthoglu igne, mana ne cheke eghu, “Nogu engel iara gre mala kafe pogho soru ke ulugna mana.”

Profet Jeremaea 10:14

Mae igre theome eghu. Mae igre fameomekro nei theome lalase eghu. Mae te hohoro mumuju ka gol igre ginauna mamaja nodi fara, naugna god te edi mare igre chaichaghi kolho. Eigna theo kaisei nakarha tadi.

Profet Isaia 42:17

Nu iheire te tarai ka mumuju god, eghuteuna chekeni te tuana ngala nodi god na teu are, ginauna filo fameomekro balu mamaja fara.”

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Eksodas 20:4

“Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Profet Isaia 41:29

God igre theo nafudi kolho, nei theome tangomana te eni kaisei glepo na. God chaichaghi igre khogla thotoghale kolho, eghuteuna god igre theo kaisei nodi nolaghi.”

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 5:8

Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Eksodas 25:20

Phei engel igre fari totoi ke kligna bokis, eghuteuna filo soru ka thotokugna bokis igne. Eghuteuna baghidi re fnerha ke kligna bokis.

Ululahu Samuel 5:3

Hamerane boibongi ka keha narane na, naiknodi Asdod igre tei ka Sugablahi na ne filoni mumuju gna Degon igne ne uka pari. Aonu tathagna nei foflogna teu mumuju igne ne tufru soru pari ka glose na ke ulugna nogna Bokis Blahi Lord na. Mare pala haghe mumuju igne ne lilisei fakeli ka mala au gna na.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Profet Isaia 45:16

Iheire te sari mumuju god igre, mare ginauna fagoigoli ba mamaja nodi fara.

Profet Jeremaea 2:26

Aonu Lord ne cheke eghu, “Ghotilo naiknomi Israel baludi nomi mae mala baubatura, ghotilo ginauna na mamaja nomi jateula mae ihei te blau te lolhoku mae pulis ra eghu. Tutuani, hatimare mae king nei hatimare mae biꞌo, nei hatimare mae pris, nei hatimare mae profet teu igre na jaola mamaja nodi fara.