Nodi Khoje Hatimare Mae Jiu 97:6 - Buka Blahi Ka Cheke Holo

⁶ Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Nodi Khoje Hatimare Mae Jiu 97:6 ပူးပေါင်းရင်းမြစ်များ

Nodi Khoje Hatimare Mae Jiu 50:6

Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Nodi Khoje Hatimare Mae Jiu 19:1

Kate filo haghe ka maloa na, tahati filoni nogna nolaghi biꞌo God na. Eghuteuna kate filo haghedi gobigna lepo ka maloa na igre, tahati thofno filoni nogna famane gloku teke eni mana ka khamegnare.

Profet Isaia 66:18

Lord ne cheke eghu, “Iara lasedihi gaoghathodi nei puhidi teu naikno igre. Eghume narane te mala loku fodudi iara naiknodi kantri te gnafa nei cheke te gnafa teu igre la namo thoke meihi. Kate kafe loku fodu meidi iara naikno te gnafa igre na, mare ginauna filoni naphaegna nogu nolaghi biꞌo iara na.

Profet Isaia 45:6

Eghume, naikno te gnafa ka nauthoglu igne, funu ke maghati tei posa ke mosu na mare ginauna laseni te kaisei iara ngala God na.

Profet Isaia 40:5

Eghuteuna ka narane tuana, nogna nolaghi biꞌo Lord na ginauna agha soru mei, eghuteuna naikno te gnafa ka nauthoglu igne ginauna filoni. Naugna thegna Lord neke nhaꞌa cheke eigna igne.”

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 67:4

Naiknore na koje balu glealeꞌa, naugna iagho ginauna fatedi naiknore ka puhi te doglo, eghuteuna iagho na batudi naikno te gnafa ka nauthoglu igne.

Fapea Samuel 22:47

“Lord, iagho karha fabrahu tifa tifa! Ghehati cheke fakeli nigho, naugna iagho nomi Thina rheta ghehati! Nafnaknomu iagho na haghe fara! Iagho ngala te fakarhi ghau iara na!

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Profet Habaku 2:14

Eghuteuna naikno te gnafa heva heva ka nauthoglu igne ginauna fodu ka nogna glalase nei nafnakno eghu Lord, jateula nhorora te fodu ka khoꞌura eghu.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Nodi Khoje Hatimare Mae Jiu 89:5

Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Nodi Khoje Hatimare Mae Jiu 89:2

Iara laseni nou namha biꞌo iagho na ginau au fabrahu, eghuteuna puhi te tajini iagho nou nhaꞌa cheke na igne jateula maloa te au fabrahu ana eghu.

Naba 14:21

Nu jateula iara te karha fabrahu nei nogu nolaghi iara te tei tongana ka nauthoglu gne, iara na nhaꞌa cheke eghu: