Nodi Khoje Hatimare Mae Jiu 97:11 - Buka Blahi Ka Cheke Holo

¹¹ God na fablahidi iheire te doglo puhidire, nei toghodi naikno te kelire mala glealeꞌa.

Nodi Khoje Hatimare Mae Jiu 97:11 ပူးပေါင်းရင်းမြစ်များ

Jone 12:46

Iara mei jateula juta eghu mala faphaedi naikno te au ka nauthoglu igne. Eghuteuna iheire te fatutuani ghau iara re mare ginauna theome tei tafri ke lamna gromno.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Thoutonu Eigna Mae Job 22:28

Gobigna lepo mala edi teku iagho ra, ginauna thofno keli fara. Uve, ginauna agha jateula juta eghu ka nabrou te mala tei iagho na.

Nodi Khoje Hatimare Mae Jiu 112:4

Ihei te leghuni puhi te keli na, nei kokhonidi keha naiknore, nei keli nei doglo teuna, mana jateula juta te phae fabiꞌo ka gromno ia eghu.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Galesia 6:8

Mae ihei te joꞌu ranghini thegna puhi te diꞌa na, puhi glehe nate jifla mei ka tuana ginauna. Nu mae ihei te joꞌu puhi te keli, te keli tagna mae Tharunga te Blahi na, u karha fei tifa na ginauna jifla mei ka unha teke joꞌu mana tuana.

Nodi Khoje Hatimare Mae Jiu 18:28

Nogu Lord, iagho nogu juta iara, iagho hata fadelei gromno te toku tafru ghau iara igne.

Nogna Buka Esta 8:16

Hatimare mae Jiu igre ne thofno gleale'a fara, naugna mare laseni tela uludi nodi naoka gre ka narane igne.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Profet Isaia 62:1

Nogna mae gloku Lord na ne cheke eghu, “Naugna iara namhani fara Jerusalem, iara ginauna na theome au kmu. Iara ginauna tarai fabrahu ghilei thokeni narane Lord nate fadoglidi puhimi nei nakarhami teu ghotilore mala phae jateula naprai hamerane, ba jateula juta biꞌo te phae bongiro ra eghu.

Thoutonu Eigna Mae Job 11:17

Nakarhamu iagho na ginauna keli, jateula naprai te agha farihotei narane ra eghu. Eghuteuna kate hui puhi biꞌo ka nakarhamu iagho na, jateula naprai te haghe hamerane te toku tafru gromno ra eghu.

Nodi Khoje Hatimare Mae Jiu 68:4

Tahati koje ranghini God, tahati koje kilo fnaknoni nanghagna mae ihei te gnokro teu ke kligna grokho. Nanghagna na Lord. Tahati glealeꞌa ke ulugna mana.

Profet Isaia 58:8

Jame te eni ghotilo puhi te magnahagheni iara igne na, iara ginauna atha fadelei khabrumi ghotilore, jateula naprai hamerane te atha fadelei u gromno bongiro ra eghu. Eghuteuna iara ginauna na ghosei fakeli fapulo ghami ghotilo. Uve, iara ginauna na baubatu ghami ghotilo leghuni puhigu iara te doglo igne, eghuteuna nogu nolaghi biꞌo iara na ginauna phae faligoho ghami ghotilo.