Nodi Khoje Hatimare Mae Jiu 97:10 - Buka Blahi Ka Cheke Holo

¹⁰ Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Nodi Khoje Hatimare Mae Jiu 97:10 ပူးပေါင်းရင်းမြစ်များ

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Profet Jeremaea 15:21

Iara ginauna atha fajifla nigho ka nodi nolaghi mae te diꞌare, eghuteuna taji fakeli nigho ka mae iheire te fariu riu para nighore.” Igne cheke gna Lord.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Profet Daniel 3:28

King ne cheke eghu, “Tahati cheke fakelini nanghagna nodi God mae Sadrak, mae Misak nei mae Abenegho! Naugna mana ne kuru meini nogna engel na ne fakarhidi thilo nogna mae gloku te rouronu kolho ka mana igre. Thilo mae igre theome leghuni nogu cheke iara na, neke tirodi maimanihidi keha god delei re, nu thilo mare fatutuani ni nodi God na. Eghuteuna kelitadi kolho te lehe eigna nodi God na.

Fapea Tesalonika 3:2

Ghotilo jaola tarai ghami mala tangomana God te bara fothi ghami ka puhidi naikno te diꞌare, naugna naiknore theome kafe fatutuani ni u Nonomho te Keli gne.

Proveb 2:8

Mana reireghidi iheire te leghuni puhi te doglo na, eghuteuna baubatudi iheire te ghatho tahuni mana re.

Nodi Khoje Hatimare Mae Jiu 31:23

Ghotilo naikno te fatutuani ni Lord ra, ghotilo namhani mana. Mana tangomana te reireghi fakelidi iheire te ghatho foboni mana re. Nu mana tangomana te thono paradi fara iheire te fahaehaghe fara re.

Ululahu Jone 5:18

Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Ululahu Jone 4:19

Tahati namha, naugna God neke kulu namha ghita.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Profet Daniel 6:27

Mana tangomana te toghodi nei fakarhidi teu iheire te au ka hoholo. Mana tangomana te edi thua nafnata kofubobhoi biꞌo ka maloa kligna, ba ka nauthoglu pari igne. God igne neke fakarhini mae Daniel ka foflodi lion!”

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Ululahu Korin 8:3

Nu ihei te namhani God na, God laseni mana.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Nodi Khoje Hatimare Mae Jiu 125:3

God na theome tangomana te snakredi naikno te diꞌare te mala baubatudi nogna naiknore te mala eni puhi te diꞌa na.

Nodi Khoje Hatimare Mae Jiu 119:163

Iara tirogudi fara nafnata puhi chaichaghi fateote'o re, nu iara magnahaghedi fara nou famane farirhiu iagho re.

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Letas Teke Riso Tei Mae Pol Ka Khiloau Rom 7:24

Tutuani fara, iara gne theome gleale'a ka nagnafagu na, naugna iara gognaro na thono diꞌa fara! Ihei nate togho ghau iara te mala snagla iara ka puhi te diꞌa te au ka thinigu iara te batu ghau ka glehe gne?

Letas Teke Riso Tei Mae Pol Ka Khiloau Rom 7:15

Iara theome lase fakelini puhigu thegu na. Naugna iara theome tangomana te eni unha te magnahaghei te eni iara na, nu leuleghu fata na iara eni unha te theome magnahaghei eni iara na.

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Nodi Khoje Hatimare Mae Jiu 121:7

Lord ginauna reireghi ghita ka thua hoholo fateote'o. Uve, mana na reireghidi nakarhadare.

Profet Emos 5:14

Ghotilo leghuni puhi te keli na. Thosei leghuni puhi te diꞌa na. Te eghu na, ghotilo ginauna au ka pharikeli nei au ka nakarha te keli. Eghuteuna ghotilo ginauna na tangomana te cheke eghu ka mana na, “Lord God, iagho mae ihei te au nolaghi fateote'o ia au balumi.” Tutuani, jame te edi ghotilo puhi te kelire, God ginauna au balumi.