Nodi Khoje Hatimare Mae Jiu 96:5 - Buka Blahi Ka Cheke Holo

⁵ Nodi god naiknore theo nafudi kolho. Uve, mare theome eni kaisei glepo kolho, nu Lord te fnakno kligna lahu igne neke vuavuhani maloa gne baludi thua nafnotu te au ke lamnagna.

Nodi Khoje Hatimare Mae Jiu 96:5 ပူးပေါင်းရင်းမြစ်များ

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Nodi Khoje Hatimare Mae Jiu 135:18

Uve, iheire te hohoro mumuju nei pogho soru ka mumuju igre teuna, naikno tuare ginauna na jateula mumuju eghu theo karha na ke lamnadi.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Nodi Khoje Hatimare Mae Jiu 135:15

Nodi god mae bongihehe gre neke hohoro kolho naikno ka silva nei gol eghu.

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Profet Isaia 41:29

God igre theo nafudi kolho, nei theome tangomana te eni kaisei glepo na. God chaichaghi igre khogla thotoghale kolho, eghuteuna god igre theo kaisei nodi nolaghi.”