Nodi Khoje Hatimare Mae Jiu 96:1 - Buka Blahi Ka Cheke Holo

¹ Ghotilo kojeni kaisei khoje majaghani mala kilo fnaknoni Lord! Ghotilo te gnafa ka nauthoglu igne, ghotilo koje ranghini Lord.

Nodi Khoje Hatimare Mae Jiu 96:1 ပူးပေါင်းရင်းမြစ်များ

Nodi Khoje Hatimare Mae Jiu 149:1

Tahati kilo fnaknoni Lord! Tahati kojeni kaisei khoje majaghani ranghini Lord. Uve, tahati kilo fnaknoni mana ke uludi iheire te kafe mei te pogho soruni ka nogna Sugablahi na.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Nodi Khoje Hatimare Mae Jiu 33:3

Koje ranghini mana ka khoje majaghani! Koje fakeli ka gita nei kafe eha fabiꞌo balu glealeꞌa!

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Letas Teke Riso Tei Mae Pol Ka Khiloau Rom 15:11

Eghuteuna grioriso te blahi na jaola ne cheke eghu, “Ghotilo te gnafa naikno te theome Jiura, ghotilo mala cheke fakelini Lord. Ghotilo naikno ka namono te gnafara, ghotilo mala cheke fakelini mana ka khoje.”

Nodi Khoje Hatimare Mae Jiu 68:32

Ghotilo naikno te gnafa ka nauthoglu ra koje mala pala hagheni nanghagna noda God.

Nodi Khoje Hatimare Mae Jiu 66:4

Naikno te gnafa ka nauthoglu igne mare tufru soru nigho. Mare koje ne pala hagheni nanghamu na.”