Nodi Khoje Hatimare Mae Jiu 95:6 - Buka Blahi Ka Cheke Holo

⁶ Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Nodi Khoje Hatimare Mae Jiu 95:6 ပူးပေါင်းရင်းမြစ်များ

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Nodi Khoje Hatimare Mae Jiu 95:1

Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Efesus 3:14

Eghume gognaro na iara tarai ke ulugna Kmada kligna.

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Ululahu Korin 6:20

naugna God neke foli fapulo ghamihi ka nakhibo mala fasnagla ghami. Eghuteuna tabagna teke foli ghami ghotilo na biꞌo fara. Eghume thinimi ghotilo re mala kilo fnaknoni God kolho.

Luku 22:41

Eghuteuna mana ne tei fagaꞌu katha vido ka mare. Mana tuturupuku soru pari ne tarai.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.

Jone 1:3

Eghuteuna God neke vahini mana mala edi gobigna lepore. Eghume gobigna lepo gre mana ngala teke edire.

Esra 9:5

Ka grafi te fafara igne, iara theome keli gaoghathogu na ne fahaghe neu ngala pohe teke rerheku iara ia. Iara kegra haghe ka vido aheva teke diꞌanagnafa iara na, aonu iara tuturupuku soru pari ne ngafa haghe khamegure ka nogu God kligna,

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Profet Isaia 17:7

Ka narane igne, naiknore ginauna filo kolho ka God mae ihei teke vuavuhadi re, eghuteuna mare ginauna filo glani kolho nodi God te Blahi mae Israel.

Nodi Khoje Hatimare Mae Jiu 72:9

Te keli na jame nogna naoka mana re mala mei tufru soru ka mana. Eghuteuna jame te keli na mana mala tapla sorudi mare pari.

Ululahu Kings 8:54

Eghuteuna mana tuturupuku soru ne ngafa haghe khamegna re ne tarai tei ka Lord. Kate gnafa tarai na, King Solomon kegra haghe ke ulugna olta na.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Nonomho Te Keli Teke Risoi Mae Mak 14:35

Eghuteuna mana ne tei fadelei katha vido ka thilomare. Aonu mana tuturupuku soru ne tarai. Mana tarai ka God mala tangomana te tei sala'u vido te kakhabruana igne.

Matiu 4:2

Kate theome ima mana ke lamnadi phiatutu narane nei phiatutu bongi teu igre, mae Jisas ne rofo fara.

Profet Hosia 8:14

Mae Israel igre theome ghatho ghau iara mae ihei teke vuavuhadire. Mare babana nodi suga biꞌo hatimare mae king. Eghuteuna naiknodi Juda jaola neke horo famaku namono na ka gringni thina biꞌo te falithuidi mare. Nu neuba, iara ginauna na koko soru khaꞌaghi mala nhako namono te maku teke eni mare igne balugna nogna suga biꞌo mae king.”

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Thoutonu Eigna Mae Job 35:10

“Nu mare theome kilo tei kolho ka God mae ihei teke vuavuhadi mare na. Eghuteuna ka gromno na mare theome eha tei ka God mae ihei teke tusu lao khoje ka mare.

Thakle 22:8

Iara mae Jone, iara neke nomhidi nei filodi neku glepo teke falalase mae engel ka iara igre. Aonu kate nomhidi nei filodi teu te gnafa iara glepo igre, iara neke tuturupuku ke ulugna mana, ne pogho soru ka mana.

Mae Khuru 20:36

Kate chekeni igne, mae Pol tuturupuku soru baludi mare gnafa ne tarai.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Matiu 4:9

Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Fapea Kronikols 29:28

Aonu iheire te gnafa te au ka vido igne ne pogho soru ka Lord, eghuteuna mae te au ka kwaea igre ne koje, eghuteuna hatimare mae pris ne kufli. Mare ne eghu ne ghilei thokei vido narane tela kronohi fafara na.

Fapea Kronikols 29:29

Ke leghugna tuana, king baludi naikno te gnafa igre kafe pogho soru pari ne kilo fnaknoni Lord.

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Nodi Khoje Hatimare Mae Jiu 119:73

Lord God, iagho neke vuavuha ghau iara neke reireghi fakelini nakarhagu iara na. Togho ghau iara sagho mala laseni iara nou cheke iagho na.

Nodi Khoje Hatimare Mae Jiu 139:13

Kani au nga teku iara ka thi'agna idogu na, iagho themu ngala teke edire vido te gnafa ka thinigu iara igre, neke tudu fodudi ngala iagho.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.