Nodi Khoje Hatimare Mae Jiu 95:4 - Buka Blahi Ka Cheke Holo

⁴ Funu ke lamna glose te tei posa kligna ka thogelero, nei thua nafnotu ka nauthoglu na igre eghu au kolho ka khamegna mana.

Nodi Khoje Hatimare Mae Jiu 95:4 ပူးပေါင်းရင်းမြစ်များ

Nodi Khoje Hatimare Mae Jiu 135:6

Lord na eni unha te magnahagheni mana ka maloa kligna ba ka nauthoglu ba ka thongna ba ke lamna nhorora.

Profet Habaku 3:6

Kate kegra haghe iagho na, nauthoglu igne nghali. Kate filo iagho ka naiknore, naiknore ginauna suaraghi balu mhaghu. Thogele biꞌo nei gukhu teu teke au funu tifa igre ginauna diha soru pari. Tutuani, God na neke au funu tifa neke au nga gobigna lepo ka nauthoglu igne.

Thoutonu Eigna Mae Job 9:5

Keha fata mana tangomana te fathughadi thogele gre, eghuteuna kate diꞌatagna na, mana tangomana te faphotadi thogele gre.

Profet Nahum 1:5

Kate thakle mei mana na, thogele biꞌo te gnafa igre ginauna nghali tongana. Eghuteuna gukhu ikodi te gnafa igre ginauna ngali nei blalho eghu. Eghuteuna nauthoglu igne baludi iheire te au ke lamnagna igre ginauna mhaghu balu fififri.

Profet Maeka 1:4

Tutuani, thogele igre ginauna blalho, jateula kadele te au rhegna khaꞌaghi eghu. Mare ginauna thofa soru pari ke lamna glogu, jateula khoꞌu te loloro soru funu ka thogele ro.

Nodi Khoje Hatimare Mae Jiu 97:5

Ka tathagna Lord nodi mae funei naikno te gnafa ka nauthoglu igne na, thogelere ne blalho jateula kadele te nhaꞌa lao ka khaꞌaghi ra neu.

Nodi Khoje Hatimare Mae Jiu 65:6

Ka nou nolaghi, iagho neke fakegra haghedi thogele biꞌo gre ka mala au dire. Ka puhi igne iagho ne thofno falalase nigho themu te au nolaghi biꞌo na.

Thoutonu Eigna Mae Job 11:10

“Jame God mei lisei nigho ke lamna suga sosolo, eghuteuna mana fate nigho, ginauna unha nate eni iagho na?

Nodi Khoje Hatimare Mae Jiu 21:2

Unha te thono magnahaghedi fara mana re iagho neke tusu lao ka mana. Unha te toredi mana re iagho neke edi ranghini mana.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.