Nodi Khoje Hatimare Mae Jiu 95:3 - Buka Blahi Ka Cheke Holo

³ Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.

Nodi Khoje Hatimare Mae Jiu 95:3 ပူးပေါင်းရင်းမြစ်များ

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Nodi Khoje Hatimare Mae Jiu 135:5

Iara laseni eigna Lord te fnakno kligna lahu na. Uve, noda mae funei tahati na fnakno fara kligna lahu ke uludi keha god te chaichaghi are.

Nodi Khoje Hatimare Mae Jiu 97:9

Lord God, iagho King frunidi naikno te gnafa ka nauthoglu igne, eghuteuna iagho thofno fnakno fara ke uludi keha god re.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Matiu 5:35

Ghotilo jaola thosei nhaꞌa cheke kau nauthoglu igne, naugna nauthoglu igne mala taplagna God. Eghuteuna ghotilo thosei nhaꞌa cheke ka namono biꞌo Jerusalem, naugna nogna namono God mae King.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Jeremaea 46:18

“Igne nogna cheke mae king nanghagna na Lord, mae ihei te au nolaghi fateote'o. Mana ne cheke eghu: Iara nhaꞌa cheke ka nanghagu thegu. Naoka ginauna mei mala magra ka ghotilo mae iheire te faheaheta fara te salaꞌu ra. Naoka nate mei ka ghotilo igne ginauna kegra rheta jateula thogele Tebo te haghe salaꞌudi keha gukhura eghu, eghuteuna jateula thogele biꞌo Kamel te kegra haghe ke kligna thongna ra eghu.

Profet Isaia 44:8

Ghotilo nogu naikno iara ra, ghotilo thosei mhaghu nei nanga nomi eghu! Iara neke toutonuhi ka ghotilo gobigna lepo nate thakle mei ginau re. Ghotilo mala toutonudi glepo te chekedi iara igre. Ba? Kaisei god au aheva nga te jateula iara teuna? Iara theome laseni. Kaisei iara ngala te jateula nomi thina rheta mala poru teu ghotilo na.”

Profet Jeremaea 48:15

Moab baludi nogna namono naꞌa igre, naoka ginauna mei goigoni fahui, eghuteuna mae majaghani are ginauna kafe lehe. Igne nogna cheke king, nanghagna na Lord, mae ihei te au nolaghi fateote'o.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Nehemaea 8:6

Mae Esra ne eha eghu fabiꞌo, “Tahati cheke fakelini Lord, God te fnakno kligna lahu!” Eghuteuna naiknore ne ngafa haghe khamedire ne eha eghu fabiꞌo, “Amen! Amen!” Aonu naiknore pogho soru pari ne thoke ka glose ro ne kilo fnaknoni Lord.

Nodi Khoje Hatimare Mae Jiu 47:3

Mana togho ghita mala tapla sorudi naikno di keha vido gre, eghuteuna togho ghita mala funei frunidi tahati keha kantri are.

Nodi Khoje Hatimare Mae Jiu 104:1

Leuleghu fata na iara magnahaghei te cheke fakelini Lord! Iagho nogu Lord God. Iagho te fnakno fara. Iagho kegra funei ka nou nafnakno nei ka nou nolaghi.