Nodi Khoje Hatimare Mae Jiu 95:1 - Buka Blahi Ka Cheke Holo

¹ Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Nodi Khoje Hatimare Mae Jiu 95:1 ပူးပေါင်းရင်းမြစ်များ

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Nodi Khoje Hatimare Mae Jiu 81:1

Tahati glealeꞌa nei eha fabiꞌo lao eghu ka God nogna Jekop. Uve, tahati koje fabiꞌo mala kilo fnaknoni God, naugna mana neke batu ghita.

Nodi Khoje Hatimare Mae Jiu 150:6

Ghotilo gobigna lepo te karha, kilo fnaknoni Lord. Uve, tahati kilo fnaknoni Lord!

Fapea Samuel 22:47

“Lord, iagho karha fabrahu tifa tifa! Ghehati cheke fakeli nigho, naugna iagho nomi Thina rheta ghehati! Nafnaknomu iagho na haghe fara! Iagho ngala te fakarhi ghau iara na!

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Nodi Khoje Hatimare Mae Jiu 100:1

Ghotilo naikno te gnafa ka nauthoglu igne, koje fabiꞌo ranghini Lord!

Nodi Khoje Hatimare Mae Jiu 34:3

Tahati gnafa kafe fafnaknoni nanghagna Lord. Tahati gnafa kafe pala hagheni nanghagna mana!

Ululahu Kronikols 16:9

Tahati koje mala kilo fnaknoni mana. Uve, tahati mala chekedi glepo biꞌo teke edi mana re.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 66:8

Ghotilo naikno ka namono te gnafa ra mala cheke fakelini nanghagna nomi God ghehati gne! Tutuani, naiknore mala nomhini kate cheke fakelini mana ghehati balu eha fabiꞌo na.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Nodi Khoje Hatimare Mae Jiu 118:1

Tahati tegio ka Lord, eigna mana na thofno keli fara, nei namha ghita fabrahu tifa tifa.

Nodi Khoje Hatimare Mae Jiu 117:1

Naikno te gnafa ka kantri te gnafa igre, cheke fakelini Lord! Naikno te gnafa ka namono te gnafa igre, ghatho tahuni mana!

Eksodas 15:1

Kate filoni hatimare mae Israel gre nogna nolaghi biꞌo Lord te falehedi mae Ijep gre ka thongna na, mae Moses nei naiknodi Israel gre eghu ne koje kaisei khoje ne cheke eghu: “Iara na koje ranghini Lord, naugna Mana ne thofno tapla faparidi fara nogna naokare. Mana neke huju soru hose nei mae teke saghe ka hose igre teure lamna thongna.

Nodi Khoje Hatimare Mae Jiu 107:21

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 107:15

Mana neke fadidiꞌa grengathagna suga sosolo teke hohoro mare ka bras na, nei lolhopa aean teke loku mare na. Uve, mana neke atha fajifladi hui. Eghume mare tegioni nogna namha biꞌo God na, nei glepo te biꞌo teke edi mana teke toghodi mare na eghu.

Nodi Khoje Hatimare Mae Jiu 107:8

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 101:1

Lord God, iara ginauna kojeni kaisei khoje eigna puhi te magnahaghei tathaji iara nogu nhaꞌa chekere ka iagho.

Nodi Khoje Hatimare Mae Jiu 89:26

Mae Devet ginau cheke eghu ka iara, ‘Iagho nogu God iara, nei iagho kmagu iara na. Uve, iaghou ngala te mala saghe leghu ghau nei fakarhi ghau teu iara na.’

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Fapea Kronikols 20:28

Kate mei Jerusalem, hatimare mae Livaet ne lalahu ka thua nafnata gita, nei ifu ka trampet eghu ne kafe tei ka Sugablahi na mala kilo fnaknoni Lord.

Nodi Khoje Hatimare Mae Jiu 18:47

Iagho neke foli fapulodihi puhi te diꞌa teke edi ranghi ghau iara nogu naokara. Eghuteuna lilisei soru kmana naikno ke parigu iara.