Nodi Khoje Hatimare Mae Jiu 94:8 - Buka Blahi Ka Cheke Holo

⁸ Ghotilo naikno te diꞌara thono meomekro fara! Ba! Niha fata fameomekro fabrahu si ghotilo ia?

Nodi Khoje Hatimare Mae Jiu 94:8 ပူးပေါင်းရင်းမြစ်များ

Nodi Khoje Hatimare Mae Jiu 92:6

Lord God, iheire te theome lalase nei iheire te edi glepo te fameomekro teu igre ginauna theome tangomana te lasedire glepo igre.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Nodi Khoje Hatimare Mae Jiu 49:10

Uve, te laseni tahati na mae te lalase na, mana na lehela jateula mae te theome lalase nei mae te fameomekro teugre eghu. Mana ginauna lisei faleghu nogna silenire eghuteuna keha naiknoi na teke khotodire.

Letas Teke Riso Tei Mae Pol Ka Khiloau Rom 3:11

Jare na theo kaisei naikno te thofno laseni God na, ba toreni God te mala toghoni na.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Diutronomi 32:29

Jame kaisei ka ghotilo te lalase na, mana tangomana jame te ghathodi gobigna lepo tela thoke meihi igre, eghuteuna mana jame jaola lasedi unha nate thoke mei ginauna igre.

Profet Jeremaea 10:8

Naiknore fameomekro nei theome lalase eghu. Mare theome tangomana te athini kaisei glalase ka mumuju teke hohoro ka gaju na.

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Nodi Khoje Hatimare Mae Jiu 73:22

Tifa na, iara neke thono fagoigoli fara jateula glepo te tautagu te theome lalasera neku neke theome ghatho nigho.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?