Nodi Khoje Hatimare Mae Jiu 94:4 - Buka Blahi Ka Cheke Holo

⁴ Naikno igre huhughuni u vetula na. Niha fata fahaehaghedi si mare puhidi te diꞌa grea?

Nodi Khoje Hatimare Mae Jiu 94:4 ပူးပေါင်းရင်းမြစ်များ

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Profet Daniel 7:11

“Kate filo teu iara na, iara ne nomhini hona ikoi te au ka phaꞌugna fafati glepo igne ne cheke fahaehaghe ne fafnaknoni thegna. Aonu iara ne filodi mare te faleheni fafati glepo igne ne koko lao thinigna na ka khaꞌaghi ne nhako fahui.

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Proveb 30:14

Keha naiknore jateula nasava eghu magnahaghei te ghamu fahuidi naikno te kumare.

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.