Nodi Khoje Hatimare Mae Jiu 94:23 - Buka Blahi Ka Cheke Holo

²³ Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Nodi Khoje Hatimare Mae Jiu 94:23 ပူးပေါင်းရင်းမြစ်များ

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 2:22

Nu God ginauna khidi nei koko fajifladi eghu naikno te diꞌa nei mae te diꞌa fateote'o ka namonodi re.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Nodi Khoje Hatimare Mae Jiu 64:8

God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Profet Daniel 7:24

Eghuteuna nabotho hona igre eidi nabotho mae king nate kegra haghe ka kantri igne. Ke leghugna igne, kaisei mae king nake kegra haghe. Eghuteuna mae igne na thono nhogri fara ka king teke kulu kegra funei igre. Mana ginauna hata fajifladi thilo mae king teke kulu funei igre.

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Nodi Khoje Hatimare Mae Jiu 12:3

God, fofotho sagho foflodi naikno te cheke famaemahe koba are, nei fofotho foflodi naikno te cheke fahaehaghe te cheke eghu are,

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Jajis 9:57

Eghuteuna naiknodi Sekem igre papara eidi glepo te diꞌa teke edi mare re, naugna igne, God ei puhi biꞌo mala thokedi mare. Eghume nogna thibri Jotam thugna Jerub-Baal igne ne thoke mei tutuani.

Fapea Kings 19:7

Iagho thosei mhaghu! Iara ginauna figri gaoghathogna king gna Asiria na kate nomhini mana ripot igne mala ke pulo mana ka nogna kantri na. Eghuteuna mare ginauna aknu faleheni mana ka magra jare.”

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Nodi Khoje Hatimare Mae Jiu 109:20

Lord God, iagho la nomhidihi hatimare mae te diꞌa te cheke fapari ghau iara nei tore nigho iagho mala para ghau iara teu igre. Nu iara tore nigho iagho mala paradi mare jateula tuana eghu kolho.

Proveb 5:23

Nafnata naikno igne theome tangomana te fadoglini nakarha gna thegna na, eghume, puhi gna mana te fameomekro igne ginauna faleheni thegna.

Profet Jeremaea 36:31

Iara ginauna parani mana baludi thugna nei nogna mae ofisa teu mana igre, eidi puhi te diꞌa te edi mare igre. Mare baludi naiknodi Jerusalem nei Juda teu igre tirodi fanomho ka nogu cheke iara re. Naugna igne, puhi biꞌo ginauna thokedi mare, jateula teke nhaꞌa chekehi iara ka mare ia eghu.”