Nodi Khoje Hatimare Mae Jiu 94:21 - Buka Blahi Ka Cheke Holo

²¹ Hatimare roghe fodu ka puhi te diꞌa mala falehedi naikno te keli re.

Nodi Khoje Hatimare Mae Jiu 94:21 ပူးပေါင်းရင်းမြစ်များ

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Eksodas 23:7

Thosei toutonu chaichaghi mala athini ihei ka fate, ba fate faleheni ihei te theo kaisei nakhibogna na. Te eghu ghotilo na, iara ginau na theome atha koko nakhibomi ghotilo re.

Jemes 5:6

Eghuteuna ghotilo fate fadiꞌadi naikno te theome eni kaisei najafra gre. Nu neuba ngau mare theome tangomana te magra fapulo na. Eghuteuna ghotilo jaola falehedi mare.

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Proveb 1:11

Glahu cheke eghu mare ka iagho, “Iagho mei balumi ghehati! Tahati na ari poru ofou ke mata nabrou mala aknu falehedi naikno te keli are mala nenei nodadi.

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Ululahu Kings 21:19

Iagho tei cheke eghu ka Ehab: ‘Igne unha te chekeni Lord na: Theome keli iagho te faleheni mae Nebot te hata nogna nagare mana na. Naugna te eni iagho igne, khuma ginauna lapi dadaramu iagho re ke kosigna namono biꞌo jateula teke lapi dadaragna mae Nebot ra eghu.’ ”

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Profet Esikiel 22:6

“ ‘Nomi maedi Israel mala baubatu ghotilo gre, au nodi nolaghi mala falehe naikno kolho.

Profet Jeremaea 26:15

Nu kaisei glepo te mala lase fakelini ghotilo na igne. Jame te falehe ghau iara ghotilo na, ghotilo ginauna thofno nakhibomi fara, naugna ghotilo ne faleheni mae ihei te theome eni kaisei najafra na. Eghuteuna ghotilo balugna namono igne nei iheire fateo te au ka namono igne nabami na au papara eigna glepo igne. Naugna Lord thegna neke kuru mei ghau iara ka ghotilo mala toutonudi glepo igre mala nomhidi ghotilo.”

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Nodi Khoje Hatimare Mae Jiu 106:38

Uve, mare neke falelehe neke fafara lao famane suare ka mumuju. Ka puhi igne nodi kantri mare na ne thono diꞌa fara ka tathagna God na.

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Fapea Kronikols 24:21

Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.

Profet Daniel 6:8

King, iagho chekedi mae sekretri ra mala rioriso vetula igne ka buka. Eghuteuna iagho lilisei nanghamu na ka vetula igne mala leghuni naiknore. Vetula igne malada tahati gnafa naikno te au ke lamnadi phei kantri Media ghe Pesia. Eghume, theome tangomana kaisei naikno ka phei kantri igre teke tughu na vetula igne.”