Nodi Khoje Hatimare Mae Jiu 94:20 - Buka Blahi Ka Cheke Holo

²⁰ Iagho tiroudi fara hatimare mae funei te diꞌa fara puhidire. Uve, iagho hongo nigho fara ka hatimare mae funei te mala eni kaisei vetula mala huhurudi naiknore mala leghuni vetula igne. Nu vetula igne theome raꞌe keli kolho eghu.

Nodi Khoje Hatimare Mae Jiu 94:20 ပူးပေါင်းရင်းမြစ်များ

Profet Isaia 10:1

Kokhonidi fara iheire te baubatu ka kantri Israel! Mare lisei vetula majaghani te theome doglo nei ninhigrana fara eghu ranghidi naiknore.

Nodi Khoje Hatimare Mae Jiu 58:2

Tore, thono theo fara! Ghotilo ghathodi kolho glepo te diꞌa te magnahaghei edi kolho themire, eghuteuna ghotilo cheke fahetani kolho puhi te mala goigonidi naiknogna nauthoglu igne.

Jone 11:57

Nu mae pris ulu nei mae Farasi teu gre ne kulu lilisei cheke igne ranghidi naiknore eigna mae Jisas. “Ihei te laseni aheva te au teu mae Jisas na chekeni ka ghehati eghu.” Mare ne cheke eghu, naugna mare ne magnahaghei te lokini mae Jisas.

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Profet Emos 6:3

Ba? Na theome thoke ghami Narane igne neu si ghotilo ia? Narane igne ginauna theome raugha thoke mei ka ghotilo, naugna puhi te diꞌa te edi ghotilo ra.

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Nodi Khoje Hatimare Mae Jiu 50:16

Nu God ne cheke eghu ka naikno te diꞌa re, “Mala unha si ghotilo te iju polodi nogu vetula iara grea? Mala unha si ghotilo te toutonudi nogu nhaꞌa cheke iara teke edi iara ka mae kuꞌemi ghotilo tifa ra? Ghotilo mae chaichaghi kolho.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Ululahu Kings 12:32

Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.

Ululahu Samuel 22:12

eghuteuna mana ne cheke eghu ka mae Ahimelek, “Iagho thugna mae Ahitub, fanomho sagho!” Aonu mana ne cheke eghu ka King Sol, “Uve, funei.”

Proveb 28:9

Jame iagho te theome fanomho ka unha te chekeni ka vetula na, Lord ginauna theome fanomho ka nou tharai iagho na.