Nodi Khoje Hatimare Mae Jiu 94:13 - Buka Blahi Ka Cheke Holo

¹³ Eghuteuna iagho ginauna theome snakreni kaisei hoholo mala thokeni mana. Uve, iagho ginauna toghoni mana mala au fakeli ghilei thokeni narane te mala paradi iagho naikno te diꞌa re.

Nodi Khoje Hatimare Mae Jiu 94:13 ပူးပေါင်းရင်းမြစ်များ

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Nodi Khoje Hatimare Mae Jiu 9:15

Hatimare mae bongihehe gre neke dokha kaisei khora malami ghehati neku, nu ke snoꞌo kolho thedi. Phigoro malami ghehati teke lilisei mare na neke khale kolho thedi.

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.

Profet Jeremaea 18:22

Lisa lao mala diꞌanagnafa nei tanhi fabiꞌo eghu mare kate kuru mei iagho mae te diꞌare mala ghosei mei goigonidi mare. Eni igne sagho naugna mare neke dokha khora malagu iara, eghuteuna mare eni phighoro mala khale iara.

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Nodi Khoje Hatimare Mae Jiu 49:5

Iheire te rouronu ka sileni na nei me eha tonganadi ka keha naiknore teu igre ngala te magnahaghei te mei goigoni ghau iara re, nu iara sa tirogu mhaghudi kolho hatimare mae naoka te mei kegra falithui ghau iara igre eghu.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.