Nodi Khoje Hatimare Mae Jiu 94:11 - Buka Blahi Ka Cheke Holo

¹¹ God na thofno lasedi gaoghathodi naiknore. Eghuteuna mana laseni gaoghathogna naikno na theo nafugna kolho teuna.

Nodi Khoje Hatimare Mae Jiu 94:11 ပူးပေါင်းရင်းမြစ်များ

Ululahu Korin 3:20

Grioriso te blahi na jaola cheke eghu, “Lord laseni unha te ghathoni mae glalasere theo nafudi kolho.”

Ululahu Korin 1:19

Jateula te chekeni ka grioriso te blahi na cheke eghu, “Iara ginauna fahuidi nodi glalase mae iheire te lalase fara, eghuteuna rorhoꞌe nodi glalasere mala theome tangomana mare te lalase na.”

Ululahu Korin 1:25

Naugna neuba naiknore ne ghathoni puhigna God na te theo nafugna kolho neu, te chekeni iara ka ghotilo na, puhigna God na uludi fara nodi glalase naiknore. Eghuteuna neuba naiknore ne ghathoni puhigna God na glaꞌe fara neu, nogna puhigna mana na heta fara ke uludi nodi nanheta naiknore!

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Nodi Khoje Hatimare Mae Jiu 44:22

Nu naikno gre magnahaghei fara te falehe ghami ghehati leuleghu narane. Naugna ghehati gne nou iagho, mare gaoghatho mala falehe ghami ghehati jateula sipu eghu.

Profet Isaia 66:18

Lord ne cheke eghu, “Iara lasedihi gaoghathodi nei puhidi teu naikno igre. Eghume narane te mala loku fodudi iara naiknodi kantri te gnafa nei cheke te gnafa teu igre la namo thoke meihi. Kate kafe loku fodu meidi iara naikno te gnafa igre na, mare ginauna filoni naphaegna nogu nolaghi biꞌo iara na.