Nodi Khoje Hatimare Mae Jiu 93:5 - Buka Blahi Ka Cheke Holo

⁵ Lord God, nou vetula iagho re ginauna kegra fabrahu. Eghuteuna, nou Sugablahi iagho na thono blahi fara, nei ginauna na au fabrahu tifa tifa.

Nodi Khoje Hatimare Mae Jiu 93:5 ပူးပေါင်းရင်းမြစ်များ

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:129

Lord God, nou farirhiu iagho re thofno keli fara, eghume iara keli tagu fara te leghudire.

Nodi Khoje Hatimare Mae Jiu 29:2

Cheke fakelini nanghagna Lord te nolaghi fara. Ghotilo tufru soru nei pogho soru eghu kate thakle mei mana na. Eigna mana na thono blahi fara.

Nodi Khoje Hatimare Mae Jiu 119:144

Nou farirhiu iagho re doglo fabrahu tifa tifa. Tusu mei glalase ka iara sagho mala karha iara.

Nodi Khoje Hatimare Mae Jiu 119:138

Nou farirhiu thono doglo fara, eghuteuna iagho edi koba unha te chekedi mala edi teu iagho re.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Jone 4:24

God na mae tharunga, theome naikno. Eghume mae Tharunga te Blahi na falalase gobigna lepo te tutuani eigna mana re ka naikno te tarai lao ka mana na.”

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Eksodas 28:36

Mare na atha kaisei vido famane gol ikoi ne eni kaisei medol tagna. Mare na famane tuge fatataba, eghuteuna ghagra cheke igre ka thagrugna: “Blahi ka Lord.”

Fapea Kronikols 29:5

Aonu mana ne cheke eghu ka mare: “Ghotilo ka vikegna mae Livae ra famane fanomho mei. Nogna Sugablahi Lord nodi God kuꞌeda tahati tifa ra, theome gae ka tathagna mana na. Ghotilo fagae ghami themi ka tathagna God, eghuteuna ghotilo mala blahi ka Sugablahi. Hata fadelei gobigna lepo fateote'o te thona nei unha te theome magnahaghedi mana re.

Profet Esikiel 43:12

Igne u vetulagna nogu Sugablahi iara na: Vido kligna ka thogele na te au tagna nogu suga iara na igne thono blahi fara!”