Nodi Khoje Hatimare Mae Jiu 93:1 - Buka Blahi Ka Cheke Holo

¹ Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Nodi Khoje Hatimare Mae Jiu 93:1 ပူးပေါင်းရင်းမြစ်များ

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Ululahu Kronikols 29:12

Dedei nei nafnakno teu igre mei funudi ka iagho kolho. Iagho funei frunidi thua nafnotu fateote'o gre ka nou nolaghi themu. Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Nodi Khoje Hatimare Mae Jiu 103:19

Lord, mae ihei te gnokro teu ka sape nafnakno kligna na, mana ngala te funei frunidi gobigna lepo te au ka nauthoglu igne ba ka maloa kligna.

Nodi Khoje Hatimare Mae Jiu 65:6

Ka nou nolaghi, iagho neke fakegra haghedi thogele biꞌo gre ka mala au dire. Ka puhi igne iagho ne thofno falalase nigho themu te au nolaghi biꞌo na.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Isaia 45:12

Iara neke vuavuha nauthoglu igne, baludi gobigna lepo te au ke lamnagna. Iara neke vuavuha naikno mala au ke lamnagna nauthoglu igne. Tutuani fara, ka nogu nolaghi iara, iara neke vuavuha maloa nei gobigna lepo te au ke lamnagna. Eghuteuna iara funei frunidi naprai nei glaba nei nathunu eghu te au ka maloa kligna.

Nodi Khoje Hatimare Mae Jiu 97:1

Lord na mae King! Naikno te gnafa ka nauthoglu igne, ghotilo glealeꞌa ka mana! Uve, ghotilo vike te gnafara jaola kafe glealeꞌa!

Nodi Khoje Hatimare Mae Jiu 59:13

Eghume te keli na iagho diꞌatamudi nei falehedi eghu. Fahui aridi sagho naikno te diꞌa tuare. Te eghu iagho na, naiknore ginauna laseni te iagho ngala God na, mae ihei te funei fruni ni Israel, nei nou nolaghi iagho na tei posa ka namono te gnafa ka nauthoglu igne.

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Profet Isaia 59:17

Puhigna Lord te doglo igne jateula phoko aean mala magra ra eghu, eghuteuna nogna nolaghi mana te mala fakarha naikno igne, jateula khepi eghu. Eghuteuna gaoghathogna mana te rheta te mala fadoglini puhi te theome doglo igne, jateula kaisei pohe te mala pipichi ra eghu.

Profet Isaia 49:8

Lord ne cheke eghu ka nogna naiknore, “Iagho nogu mae gloku iara. Ka narane te mala fakarhi nigho na, iara ginauna kokhoni nigho na nomhini nou tharai iagho na. Iara ginauna reireghi fakeli nigho mala theo kaisei hoholo te thoke nigho na, eghuteuna iara ginauna vahi nigho mala jateula kaisei nhaꞌa cheke eghu ka naikno te gnafa ka nauthoglu igne. Eghuteuna iara ginauna snakre nigho mala eꞌei nodi namono nogu naikno iara igre ka nodi namono naikno te thono diꞌa fara gognaro gre.

Profet Isaia 11:5

Mana ginauna funei frunidi nogna naiknore ka puhi te doglo ka tathagna God. Eghuteuna leuleghu fata na mana ginauna leghudi fabrahu nogna vetula God re.

Nodi Khoje Hatimare Mae Jiu 145:13

Iaghou ngala mae King na, iagho mala funei fruni fabrahu tifa e tifa. Leuleghu fata na Lord na tajidi nogna nhaꞌa chekere nei ka gobigna lepo te edi mana re eghu mana falalase ka tahati te keli fara ranghi ghita na.

Nodi Khoje Hatimare Mae Jiu 18:32

Kaisei God igne ngala mae ihei te mala fakegra heta ghau nei mala reireghi fakeli ghau teu kate tei iara na.

Thoutonu Eigna Mae Job 40:10

Jame te eghu na, iagho fakakhana nou nolaghi na, nei nou nafnakno na. Eghuteuna iagho fakakhana ka naiknore te iagho te kaisei mae biꞌo na, eghuteuna fakakhana mala filoni naiknore siasiglagna nou nolaghi iagho na.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Isaia 63:1

Mae sekiuriti te toetoe teu ke kligna bara thina na ne cheke eghu, “Mae ihei site mei funugna Idom ka namono Bosra ignea? Mana pipichi ka famane pohe ukru. Mana mei jateula kaisei mae te nheta nei nolaghi eghu. Nu mae ihei eghu signea?” Lord ne cheke eghu, “Iara ngala te mei igne! Iara mei mala chekeni tela uluhi iara na, naugna puhigu iara na thofno doglo fara! Eghuteuna iara au nogu nolaghi te mala fakarhi ghami ghotilo na.”

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Nodi Khoje Hatimare Mae Jiu 75:3

Neuba ne nghali gobigna lepo te karha teugre, ba jaola ne nghali nauthoglu gne, iara ginauna eni famamhakugna nauthoglu gne mala rheta fabrahu.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Ululahu Kronikols 16:30

Ghotilo naikno te gnafa ka nauthoglu ra, ghotilo ghatho tahuni mana! Lord neke vuavuha nauthoglu igne mala au rheta mala theome tangomana te nghali na.

Ululahu Kronikols 16:31

Maloa ghe nauthoglu, ghopa mala glealeꞌa nomi! Ghopa mala cheke eghu ka naiknodi kantri igre, “Lord na King!”

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.