Nodi Khoje Hatimare Mae Jiu 92:7 - Buka Blahi Ka Cheke Holo

⁷ Glepo igre eghu agne, naikno te diꞌare famane kotu haghe jateula buburu eghu, eghuteuna naikno te edi puhi te diꞌare mare au ka nakarha te keli ka nauthoglu igne, nu iagho ginauna roꞌedi mala theo nafudi fabrahu.

Nodi Khoje Hatimare Mae Jiu 92:7 ပူးပေါင်းရင်းမြစ်များ

Nodi Khoje Hatimare Mae Jiu 37:38

Nu Lord tangomana te goigonidi iheire te tapla jafra ka nakhibore. Vikedire ginauna theo kaisei namonodi.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Nodi Khoje Hatimare Mae Jiu 73:12

Tuana puhidi mare na. Mare au nodi kmana glepohi, nu leuleghu fata na mare hata nodi glepo kmana fara ngala.

Thoutonu Eigna Mae Job 12:6

Nu mae te khuru blau re au fakeli ka namonodi re. Eghuteuna iheire te faꞌeiꞌei te diꞌatagna God igre, mare tirodi nangani kaisei glepo. Neuba ne eghu, mare theome tangomana te au ke kosigna nogna nolaghi God.

Profet Isaia 37:27

Naiknodi namono biꞌo igre ginauna glaꞌe soru balu mhaghu nodi nei mamaja nodi eghu fara. Mare jateula buburu fari hotei glalaba, ba gnarho te kotu ke tagru suga, te lehe kolho kate ghaghafa mei nuri te brana na.

Proveb 1:32

Iheire te theome au tadi gaoghatho te keli na ginauna lehe, naugna mare ne figri tagru ghau iara. Eghuteuna naikno te fameomekro re ginauna lehe naugna ne tirodini puhi te doglo na.

Nodi Khoje Hatimare Mae Jiu 94:4

Naikno igre huhughuni u vetula na. Niha fata fahaehaghedi si mare puhidi te diꞌa grea?

Nodi Khoje Hatimare Mae Jiu 73:22

Tifa na, iara neke thono fagoigoli fara jateula glepo te tautagu te theome lalasera neku neke theome ghatho nigho.