Nodi Khoje Hatimare Mae Jiu 92:4 - Buka Blahi Ka Cheke Holo

⁴ Lord God, nou gloku iagho re thofno biꞌo fara. Uve, iara koje kilo fnakno nigho eidi glepo te edi iagho ranghi ghau iara ra.

Nodi Khoje Hatimare Mae Jiu 92:4 ပူးပေါင်းရင်းမြစ်များ

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Nodi Khoje Hatimare Mae Jiu 8:6

Iagho neke vahi ghami mala funei frunidi nei reireghidi eghu gobigna lepo teke vuavuha iagho gre.

Luku 1:47

Ka nagnafagu na iara thofno gleale'a fara naugna God neke fakarhi ghau iara.

Nodi Khoje Hatimare Mae Jiu 126:3

Uve, tutuani fara, mana la edi glepo te biꞌo igre la togho ghitahi tahati. Eigna igne te gle'ani fara tahati na.

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Nodi Khoje Hatimare Mae Jiu 104:31

Jame te keli na nogna nolaghi biꞌo God igne mala au fabrahu tifa e tifa. Uve, keli fara te keli tagna God ka unha teke vuavuha mana re.

Nodi Khoje Hatimare Mae Jiu 90:16

Ghehati gne nou mae gloku iagho, snakre ghami ghehati sagho mala filodi ghehati nou gloku biꞌo te edi iagho ra. Uve, snakredi iheire nate karha mei ka vikemi ghehati gre mala filoni nou nolaghi biꞌo iagho na.

Nodi Khoje Hatimare Mae Jiu 64:10

Naikno te doglo re ginauna keli tadi fara ka unha te edi Lord re, eghuteuna mare ginauna tei vido te keli ka mana mala poru na. Eghuteuna naikno te keli igre ginauna cheke fakelini mana.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Nodi Khoje Hatimare Mae Jiu 33:2

Ghotilo koje ka gita mala cheke fakelini nanghagna Lord.