Nodi Khoje Hatimare Mae Jiu 92:1 - Buka Blahi Ka Cheke Holo

¹ Lord God, iagho thofno God te nolaghi fara, thofno keli fara te cheke fakeli nigho iara na. Uve, thofno keli fara te cheke fakeli nigho iara ka khoje na.

Nodi Khoje Hatimare Mae Jiu 92:1 ပူးပေါင်းရင်းမြစ်များ

Nodi Khoje Hatimare Mae Jiu 147:1

Tahati cheke fakelini Lord! Thofno keli fara tahati te cheke fakelini noda God. Uve, nabada fara tahati te cheke fakelini mana na, naugna puhigna mana na keli fara.

Nodi Khoje Hatimare Mae Jiu 107:1

Tahati tegio ka Lord, naugna mana thofno keli fara! Uve, naugna mana namha ghita fabrahu!

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Nodi Khoje Hatimare Mae Jiu 135:3

Ghotilo cheke fakelini Lord, naugna mana ne keli fara ranghi ghita fara. Ghotilo koje cheke fakelini nanghagna mana na, naugna mana ne kokhoni ghita fara.

Nodi Khoje Hatimare Mae Jiu 33:1

Ghotilo naikno te doglo ke ulugna Lord, ghotilo eha balu glealeꞌa eidi unha teke edi Lord ra. Ghotilo te gnafa te leghuni mana ra kafe cheke fakelini mana.

Nodi Khoje Hatimare Mae Jiu 73:28

Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.

Nodi Khoje Hatimare Mae Jiu 107:8

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 52:9

God, iara ginauna cheke fakeli nigho fabrahu eidi glepo teke edi iagho ra. Iara ginauna na chekedi glepo igre ke uludi nou naikno iagho re na cheke eghu, “God na ne eni ka iara puhi te keli na.”

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 107:15

Mana neke fadidiꞌa grengathagna suga sosolo teke hohoro mare ka bras na, nei lolhopa aean teke loku mare na. Uve, mana neke atha fajifladi hui. Eghume mare tegioni nogna namha biꞌo God na, nei glepo te biꞌo teke edi mana teke toghodi mare na eghu.

Nodi Khoje Hatimare Mae Jiu 54:6

Lord, iara keli tagu kolho te fafara ka iagho na. Iara ginauna na cheke fakeli nigho eigna iagho ne thofno keli fara.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Nodi Khoje Hatimare Mae Jiu 82:6

“Iara ngala God mae ihei te thofno fnakno fara kligna lahu na, iara neke kulu cheke eghu hi ka ghotilo, ‘Ghotilo jateula god eghu, eghuteuna ghotilo te gnafa na, ghotilo goro thugu iara kolho.’

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.