Nodi Khoje Hatimare Mae Jiu 91:5 - Buka Blahi Ka Cheke Holo

⁵ Ka bongi na, iagho ginauna theome mhaghu naitu, eghuteuna ka narane na, iagho ginauna theome mhaghudi naikno te diꞌa puhidire nate mei te falehe nigho na.

Nodi Khoje Hatimare Mae Jiu 91:5 ပူးပေါင်းရင်းမြစ်များ

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Hibru 13:6

Eghume tahati jaola cheke eghu ka nagnafa te nheta, “Iara ginauna theome mhaghu naugna Lord na nogu thotogho iara. Neuba naiknore na eni kaisei glepo te diꞌa ba falehe ghau iara, iara ginauna theome tangomana te figri tagruni God na.”

Nodi Khoje Hatimare Mae Jiu 112:7

Mae igne theome tangomana te mhaghuni u nonomho te diꞌa na, naugna mana rouronu lao kolho ka Lord, nei nogna fatutuani na thono heta fara ka Lord.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Luku 12:39

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli eigna mana theome snakreni nogna suga na mala ruma mana.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Profet Isaia 21:4

Phaꞌugu na thono thabliu fara, eghuteuna thinigu na ngegra, naugna iara ne thofno mhaghu nogu fara. Leuleghu fata na, iara magnahaghei te ghosei bongi, nu kate plulu naprai na, iara mhaghu nogu salaꞌui.

Famane Khoje 3:8

Mare te gnafa na lase fakelini fara puhigna magra na. Mae te gnafa ka mae igre sara bae naflahi fei soro, eghuteuna mare tarabana mala magra baludi iheire te mei magra ka mare bongiro.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.