Nodi Khoje Hatimare Mae Jiu 91:3 - Buka Blahi Ka Cheke Holo

³ God ginauna batu nigho ka glepo te diꞌa te poru teu, mala theome thoke nigho, eghuteuna mana ginauna fakarhi nigho kau fogra te diꞌa nate faleheni naikno na.

Nodi Khoje Hatimare Mae Jiu 91:3 ပူးပေါင်းရင်းမြစ်များ

Nodi Khoje Hatimare Mae Jiu 124:7

Tahati la snaglahi jateula nanghaji te jifla ka phighoro na te tei nogna ia eghu.

Nodi Khoje Hatimare Mae Jiu 141:9

Baubatu fakeli ghau ka nodi phighoro naikno te diꞌa puhidi gre.

Proveb 7:23

Nu mae igne theome laseni nate sukha jata na. Mana jateula kaisei nanghaji te flalo nu khale lamna fangna, eghuteuna theome laseni kolho te leghuni teu nabrou glehe na.

Proveb 6:5

Jifla mei ka phighoro igne, jateula nanghaji, ba glepo te tautagu te rikhani mae ihei te magnahaghei faleheni ra eghu.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Profet Emos 3:5

Jame kaisei phighoro theo kaisei vido gano te mala chaghini khokorako na, na faꞌunha eghu ruma lamna khokorako na? Na faꞌunha eghu prasa phighoro na jame te theome ruma kaisei nanghaji tagna na?

Profet Hosia 9:8

God neke kuru mei ghau iara mala cheke faheta ka ghotilo nogna naikno mana ra. Nu namono te gnafa te tei iara igre fariuriu fanogra ghau iara jateula mae te lilisei phighoro te mala fakhale nanghaji ra eghu. Neuba iara ne tei ruma ka sugagna Lord na, iara filodi mae naokare jare.

Nodi Khoje Hatimare Mae Jiu 91:6

Iagho ginauna theome mhaghudi naitu te mei ka naikno bongiro, ba naitu te falehe naikno naranero.

Fapea Samuel 24:15

Aonu Lord ne snakre mei kaisei fogra te thono diꞌa fara ka naiknodi Israel, funu ka hamerane tuana tei posa ka narane teke chekeni mana na. Eghuteuna fitu salei thogha naikno ne lehe ka fogra igne, funu ke raru Dan tei posa ke mata Bereseba.

Ululahu Kings 8:37

“Glahu thoke mei narane te theo gano, ba fogra biꞌo, ba muno, ba cheche, ba naoka te mei te goigonidi nomi namono gre.

Nodi Khoje Hatimare Mae Jiu 68:21

Tutuani fara, God ginauna poposa phaꞌudi nogna naokare, eghuteuna rurhuja phaꞌudire naugna mare ne leghudi te fabrahu puhi te diꞌare.