Nodi Khoje Hatimare Mae Jiu 91:16 - Buka Blahi Ka Cheke Holo

¹⁶ Iara ginauna fakarhidi nei tusu ranghidi nakarha te brahu, mala keli tadi mare.”

Nodi Khoje Hatimare Mae Jiu 91:16 ပူးပေါင်းရင်းမြစ်များ

Proveb 3:2

Jame te leghuni iagho cheke igne na, iagho ginauna au raugha ka nauthoglu igne, eghuteuna iagho ginauna au ka pharikeli.

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Thoutonu Eigna Mae Job 5:26

Iagho ginauna karha kelimu au ghilei kuekuꞌe fara, jateula sopho te famane kotu ka nagare na te ghilei thokeni narane te naba te mala ukli na ia eghu.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Luku 3:6

Naikno te gnafa ka nauthoglu igne ginauna na filoni God te mei fakarhidi nogna naiknore.’ ”

Proveb 10:27

Ihei te ghatho tahuni Lord na, ginauna au raugha ka nauthoglu igne. Nu nakarhagna naikno te diꞌa na, ginauna na theome au raugha.