Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nodi Khoje Hatimare Mae Jiu 91:15 - Buka Blahi Ka Cheke Holo

15 Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

အခန်းကိုကြည့်ပါ။ ကော်ပီ




Nodi Khoje Hatimare Mae Jiu 91:15
31 ပူးပေါင်းရင်းမြစ်များ  

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.


Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.


Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”


Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.


Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”


“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.


God, iagho ginauna na fanomho ka nou naikno tela goigonidi mare igre, iagho ginauna fameomegodi mala ke keli nagnafa fapulo mare.


Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.


Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.


God, neubane tei iara ka vido aheva te romno fara, iara theome mhaghu nogu, naugna iagho au balugu iara. Tutuani fara, iara laseni nou nanala nei khodo teu iagho gre ngala te fameomego ghau iara na.


Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.


Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”


Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.


Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.


Leuleghu fata na mana toghodi nei fakarhidi eghu naikno te doglo igre. Mana hata fajifladi ka khamedi mae te diꞌare, naugna naikno te doglo igre filo kolho ka Lord te mala toghodi na.


Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.


Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.


Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.


Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,


Mare magnahaghei nafnakno ka naiknore ke tulao gnai nafnakno te mei ka God.


Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.


“Neuba iara ne tarai ka God ne cheke tughu mana ka iara, iara jateula kaisei mae kheragna manare maꞌeni mana. Uve, neuba iara ne doglo nei keli neu, mare maꞌe fadiꞌa ghau iara.


Kate diꞌatagna mana te cheke faheta ka nogna naokare, khotogna nhorora na thakle haghe ne kakhana. Eghuteuna famamhakugna nauthoglu na ne jaola ne kakhana kate gae na.


God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.


Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ