Nodi Khoje Hatimare Mae Jiu 90:8 - Buka Blahi Ka Cheke Holo

⁸ Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Nodi Khoje Hatimare Mae Jiu 90:8 ပူးပေါင်းရင်းမြစ်များ

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Profet Esikiel 8:12

Aonu Lord ne cheke eghu ka iara, “Maegna ka nauthoglu. Ba, iagho la filoni glepo te eni poru mae mala baubatu ka naiknodi Israel igre? Mare tei ne poru ke lamnagna nodi vido blahi na, mala tarai ka nodi mumuju god na. Eghuteuna mare ne cheke eghu, ‘Lord na theome tangomana te filo ghita na. Mana la tei kokonihi noda kantri tahati igne.’ ”

Proveb 5:21

Lord na filodi gobigna lepo te edi tahati re, eghuteuna mana filo glanidi nabrou te gnafa te tei leghudi tahati re.

Nodi Khoje Hatimare Mae Jiu 80:16

Naoka gre la thofno goigoni ghami fara ghehati gognaro na. Uve, ghehati la jateula gaju te lehe te khoko soru te koko lao ka khaꞌaghira eghu. Eghume cheke faheta sagho ka mare mala papara fara mare.

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Thoutonu Eigna Mae Job 34:21

“God na filo tutu ka puhidi naiknore. Eghuteuna filo ka vido te gnafa aheva te tei mare tagna na.

Levitikas 4:23

Kate laseni mana nakhibogna na, mana atha mei kaisei nanigot nalhaꞌugna te theo kaisei thona ka thinigna na.

Levitikas 4:28

Kate laseni mana nakhibogna na, mana mala atha mei kaisei nanigot gaꞌasegna te theo kaisei thona ka thinigna na.

Thoutonu Eigna Mae Job 10:14

Leuleghu fata na iagho filo kolho ka iara mala filou kate eni iara nakhibo na, mala theome chekeni ne doglo neu kolho iara teuna.

Nodi Khoje Hatimare Mae Jiu 109:15

Ghehati magnahagheni God te thosei atha kokodi nakhibodi kuꞌegna mana re, nei theo kaisei naikno nate ghatho fapulodi vikegna mana ra eghu!

Profet Jeremaea 2:22

Neuba ghotilo ne fariuriu titihi fagae nakhibomire jateula mae ihei te fariuriu titihi fagae nogna pohe vegha na teu ra neu, nu iara Lord filodiu ngala nakhibomi ghotilo re.” Igne chekegna Lord God.