Nodi Khoje Hatimare Mae Jiu 90:2 - Buka Blahi Ka Cheke Holo

² Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Nodi Khoje Hatimare Mae Jiu 90:2 ပူးပေါင်းရင်းမြစ်များ

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Nodi Khoje Hatimare Mae Jiu 93:2

Lord God, kani theome vuavuha nga teku iagho thua nafnotu fateote'o ka nauthoglu igne, iagho neke kulu King neku ngala. Iagho King fabrahu tifa tifa.

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Thoutonu Eigna Mae Job 15:7

“Ba, iagho si mae teke kulu karha ka nauthoglu igne naia? Ba, iagho neke karhahi neke edi nga God thogele igre?

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Eksodas 8:6

Aonu mae Eron ne leghuni chekegna Lord na ne loku haghe nogna khodo na ke kligna khoꞌu biꞌo, eghuteuna groma na ne haghe ne thafru kantri thongana na.

Thoutonu Eigna Mae Job 36:26

Tahati theome tangomana te lase fakelini nogna nolaghi God na, eghuteuna tahati theome tangomana te kahadi finogha gna manare.

Nodi Khoje Hatimare Mae Jiu 102:13

Gognaro gne narane te mala kokhoni ni iagho Jerusalem na. Thofno narane te mala phile iagho balugna mana na.

Profet Daniel 7:9

“Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.