Nodi Khoje Hatimare Mae Jiu 90:16 - Buka Blahi Ka Cheke Holo

¹⁶ Ghehati gne nou mae gloku iagho, snakre ghami ghehati sagho mala filodi ghehati nou gloku biꞌo te edi iagho ra. Uve, snakredi iheire nate karha mei ka vikemi ghehati gre mala filoni nou nolaghi biꞌo iagho na.

Nodi Khoje Hatimare Mae Jiu 90:16 ပူးပေါင်းရင်းမြစ်များ

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Nodi Khoje Hatimare Mae Jiu 92:4

Lord God, nou gloku iagho re thofno biꞌo fara. Uve, iara koje kilo fnakno nigho eidi glepo te edi iagho ranghi ghau iara ra.

Nodi Khoje Hatimare Mae Jiu 77:12

Iara ginauna ghathodi fara glepo te keli te gnafa nei glepo biꞌo te gnafa eghu teke edi iagho ra.

Josua 23:14

“Nogu narane te mala lehe iara na la namohi gognarona. Eghuteuna ghotilo te gnafa na thofno laseni fara Lord neke tufa glepo te keli ka tahati, jateula teke nhaꞌa chekeni mana tifa ia eghu. Mana neke tajini nogna nhaꞌa cheke na nei edi gobigna lepo teke nhaꞌa chekedi mana re.

Diutronomi 1:39

Eghuteuna Lord neke cheke eghu ka ghotilo ka narane tuana, ‘Thumi ghotilo te ikodi teu are theome naba te filo glanidi unha te doglo nei unha te jafra, eghuteuna ghotilo neke chekeni te mae naokare ginauna falehedi mare. Neuba, igne na theome thokedi mare, mare ginauna tei hata namono tuana. Nu iara ginauna tufa namono ka mare mala au mare tagna, nei mala khotogna eghu.