Nodi Khoje Hatimare Mae Jiu 90:1 - Buka Blahi Ka Cheke Holo

¹ Lord, funu tifa tela ghilei mei posa gognaro gne, iaghou ngala te jateula sugami teu ghehati na.

Nodi Khoje Hatimare Mae Jiu 90:1 ပူးပေါင်းရင်းမြစ်များ

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Nodi Khoje Hatimare Mae Jiu 71:3

Leuleghu fata na iara mei koba ka iagho mala poru, eghuteuna filo ari kolho ka iagho te mala batu ghau na. Iagho ngala vido te keli te mala poru iara na. Fakarhi ghau.

Ululahu Jone 4:16

Eghume tahati lasenihi nei fatutuanihi nogna namha ranghi ghita. Namha na funu mei ka God. Eghume, ihei te au ka namha na au balugna God nei God au balugna mana.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Profet Esikiel 11:16

“Nu igne unha te magnahaghei nigho iara te mala cheke eghu iagho ka naiknodi Israel te au Babilonia ra: ‘Neuba iara ne kuru teidi mala au tafri ka keha kantri are, nu ka katha vido narane kolho, iara au ngau baludi mala jateula nodi vido blahi eghu mare.’

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Nodi Khoje Hatimare Mae Jiu 91:9

Lord na fnakno fara kligna lahu, eghuteuna, naugna te rouronuni iagho mana na, mana ginauna baubatu nigho, nei reireghi fakeli nigho eghu.

Nodi Khoje Hatimare Mae Jiu 89:1

Lord God, iara ginauna kojeni koba nou namha biꞌo iagho na, nei iara ginauna toutonuni koba eigna puhi te tajini iagho u nou nhaꞌa cheke na.

Profet Isaia 8:14

Iara jateula nomi vido keli mala poru eghu ghotilo tagna. Nu iara ginauna jateula kaisei thina biꞌo eghu ka phei vikedi Israel ghe Juda igre mala tothokei ghahedire mala uka mare pari. Iara ginauna na jaola jateula kaisei phighoro eghu mala fakhaledi mare. Eghuteuna kmana naiknodi Jerusalem ginauna uka tagna.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Ululahu Kings 13:1

Kate kegra fafara teu mae Jeroboam ka olta na, kaisei nogna profet God ne mei ka mana. Mae profet igne kaisei maegna Juda, eghuteuna Lord neke chekeni mana mala jifla Juda tei Betel.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.