Nodi Khoje Hatimare Mae Jiu 9:9 - Buka Blahi Ka Cheke Holo

⁹ Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Nodi Khoje Hatimare Mae Jiu 9:9 ပူးပေါင်းရင်းမြစ်များ

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Nodi Khoje Hatimare Mae Jiu 32:7

Iagho nogu vido keli mala poru iara, iagho pophoru ghau iara mala theome tangomana kaisei puhi te thoke ghau iara na. Iara na koje fabiꞌo eigna nou nolaghi iagho te fakarhi ghau iara, eigna iagho ne pophoru ghau nei reireghi ghau neu iara.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Nodi Khoje Hatimare Mae Jiu 37:39

Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Profet Isaia 8:14

Iara jateula nomi vido keli mala poru eghu ghotilo tagna. Nu iara ginauna jateula kaisei thina biꞌo eghu ka phei vikedi Israel ghe Juda igre mala tothokei ghahedire mala uka mare pari. Iara ginauna na jaola jateula kaisei phighoro eghu mala fakhaledi mare. Eghuteuna kmana naiknodi Jerusalem ginauna uka tagna.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Nodi Khoje Hatimare Mae Jiu 20:1

Ghehati toreni Lord mala togho nigho kate au ka hoholo iagho na. Nogna God mae ku'eda Jekop ginau bara fothi nigho.

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Nodi Khoje Hatimare Mae Jiu 108:12

Togho ghami ghehati sagho mala magra ghehati ka mae naoka gre, naugna nodi thotogho naiknore theo nafudi kolho.

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nodi Khoje Hatimare Mae Jiu 48:3

God na au ka namono tuana mala togho ghita ka narane te magra na mala au fakeli tahati.

Ululahu Kronikols 16:33

Ghotilo gaju te gnafa mata ra, ghotilo glealeꞌa balu eha fabiꞌo mala cheke fakelini Lord kate mei mana na. Uve, mana na ginau mei mala funei frunidi naiknogna nauthoglu igne ka puhi te keli te thofno doglo fara.

Nodi Khoje Hatimare Mae Jiu 7:9

God, puhimu iagho na thofno doglo fara, iagho filo suplidi nagnafami nei lasedi teu glepo te magnahaghedi ghehati re. Tapla fothidi sagho u gaoghatho te diꞌa te au ka naikno te diꞌa are. Eghuteuna toghodi naikno te keli re mala kegra heta.

Nodi Khoje Hatimare Mae Jiu 67:5

God, iara magnahaghedi naiknore te cheke fakeli nigho, nei pala hagheni eghu nanghamu iagho na!

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.