Nodi Khoje Hatimare Mae Jiu 9:17 - Buka Blahi Ka Cheke Holo

¹⁷ Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Nodi Khoje Hatimare Mae Jiu 9:17 ပူးပေါင်းရင်းမြစ်များ

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Thoutonu Eigna Mae Job 8:13

Jateula tuana eghu iheire te theome ghathoni God. Mare ginauna jaola ghosei lehe jateula nafnata buburu igre eghu. Eghuteuna iheire te tei kokoni God igre, ginauna na jaola ghosei lehe jateula nafnata buburu te theo khoꞌu igre eghu.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Profet Jeremaea 18:15

Nu naikno teke vavahi iara mala nogu naikno thegu teku igre la ghatho iho ghauhi iara. Leuleghu fata na mare gahu insens koba ka mumuju god te theo nafudi igre. Mumuju god igre batudi mare mala tei snivi ka famane nabrou te fei au na, eghuteuna mare leghuni kolho nabrou te diꞌa na mala uka tagna.

Profet Jeremaea 13:25

Igne puhi biꞌo nate kuru meini iara te mala thoke ghami ghotilo na. Papara igne thofno horoghoto fara, naugna ghotilo ne ghatho iho ghau iara ne fatutuanidi god te chaichaghire.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Profet Isaia 5:14

Beku na thorau foflogna na jateula kaisei nasava te nganga teu foflogna na te mala tomno soru gano kate rofo fara naia eghu. Eghuteuna neubane naiknore au nafnakno ba theo, mare ginauna tei lamna Beku baludi iheire te au ka namono te eha tafri are.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Nodi Khoje Hatimare Mae Jiu 106:13

Nu theome raugha kolho mare neke ghatho ihodi kolho unha teke edi God re. Eghuteuna mare tirodi ofoni te mala laseni unha te magnahagheni God te mala eni mare na.

Nodi Khoje Hatimare Mae Jiu 49:14

Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Nodi Khoje Hatimare Mae Jiu 44:20

Nomi Lord, jame te theome pogho soru nigho, nei tarai ghehati ka mumuju teuna,

Profet Hosia 2:13

Iara ginauna parani naꞌa, naugna naꞌa ne ghatho iho ghau iara ne tei fafara ka mumuju Baal. Eghuteuna naꞌa lalaoni geghesugna nei khuligna teure ka ring baludi keha nafnata glepo te famane siasigla teke tufa mae iheire teke tei naꞌa baludire. Nu naꞌa ghatho iho ghau iara.” Igne chekegna Lord.

Profet Jeremaea 3:21

Gognarona iara nomhidi keha naiknore eha fabiꞌo ke kligna thogele. Naiknodi Israel igre ne diꞌanagnafa nei tanhi neu mala toghodi, naugna mare ne ghatho ihoni nodi Lord God na ne leghuni kolho gaoghathodi thedi te diꞌare.

Nodi Khoje Hatimare Mae Jiu 44:17

Neuba glepo igre ne thoke ghami ghehati, ghehati theome ghatho iho nigho, nei ghehati theome huhughuni nou nhaꞌa cheke teke eni iagho balumi ghehatia.

Thoutonu Eigna Mae Job 5:13

Mana fakhaledi iheire ne lalasehi thedi teu igre mala goigonidi thedi mare. Eghuteuna mana goigonidi nodi gaoghatho te diꞌa mare re.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Profet Esikiel 22:16

Eghuteuna naiknodi keha kantri are ginauna famamaja ghami ghotilo eidi puhimi ghotilo te diꞌare, nu ghotilo ginauna laseni te iara Lord.’ ”