Nodi Khoje Hatimare Mae Jiu 9:16 - Buka Blahi Ka Cheke Holo

¹⁶ Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Nodi Khoje Hatimare Mae Jiu 9:16 ပူးပေါင်းရင်းမြစ်များ

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Profet Isaia 8:15

Kmana naikno ginauna uka klopa ka thina igne. Uve, kmana naikno ginauna khale ka phighoro igne na theome tangomana na teke jifla mei na.”

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Proveb 6:2

Nou nhaꞌa cheke iagho themu igne ginauna fakhale nigho iagho jateula phighoro teke eni kolho iagho ia eghu.

Nodi Khoje Hatimare Mae Jiu 48:11

Eghume ghehati te gnafa na keli tami fara te au ka namono Saion. Iagho fatedi naiknore ka puhi te doglo. Eghume ghehati te au ka namono biꞌo te gnafa agne Juda, ghehati keli tami fara.

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Nodi Khoje Hatimare Mae Jiu 5:1

Lord, iagho laseni te au diꞌanagnafa iara gognaro gne. Nomhi meidi nogu tharai gre.

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Ululahu Samuel 17:46

Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Profet Isaia 28:13

Naugna igne nogna cheke Lord na ginauna na jateula mae ihei te farirhiudi goro sua ikodi te mala chekedi glepo tuarola eghu fabrahu kolho. Igne na thono bligi fara te mala nomhi fakelini mare na. Nu neuba, mare na theome leghuni kolho farirhiu igne. Naugna igne, mare snoꞌo ke lamnagna nodi phighoro hatimare mae naoka, eghuteuna mare theome tangomana te rikha na.

Nodi Khoje Hatimare Mae Jiu 140:9

Thosei snakredi sagho mae naokare mala tapla fapari ghau iara ka magra na. Ke figri sagho nodi fangiri ngiri nei cheke te diꞌa teu are mala ke pulo ka thedi.

Thoutonu Eigna Mae Job 18:9

Mare lilisei kaisei phighoro mala khale mana, eghuteuna mana khale ka phighoro igne.

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Profet Daniel 6:25

Eghuteuna ke leghugna igne, King Darius ne riso tei kaisei letas ka naikno te gnafa, nei ka vike te gnafa, nei ka cheke te gnafa teu ka kantri igne ne cheke eghu, “Phari keli na au ka ghotilo!