Nodi Khoje Hatimare Mae Jiu 89:8 - Buka Blahi Ka Cheke Holo

⁸ Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Nodi Khoje Hatimare Mae Jiu 89:8 ပူးပေါင်းရင်းမြစ်များ

Nodi Khoje Hatimare Mae Jiu 71:19

God, puhimu iagho na thono doglo fara tei posa ka glepo te au kligna ka maloa gno. Iagho neke edi gloku te biꞌo fara igre eghuteuna glepo igre salaꞌudi fara nomi glalase ghehatire. Uve, God, theo kaisei naikno te jateula iagho teuna.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Nodi Khoje Hatimare Mae Jiu 147:5

Noda Lord na kaisei mae nafnakno nei nolaghi eghu fara, nei theo kaisei naikno te tangomana te fananaba nogna glalase na.

Nodi Khoje Hatimare Mae Jiu 89:6

Lord God, theo kaisei naikno te au kligna te jateula iagho teuna. Uve, neubane engel puhidire theome keli kolho jateula puhimu iagho eghu.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Nodi Khoje Hatimare Mae Jiu 24:8

Mae ihei te mae king biꞌo na? God ngala mae te nheta nei nolaghi teu ka magra na ngala te mae king biꞌo na.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Thoutonu Eigna Mae Job 9:19

Ka fei nanheta na, iara theome tangomana te huhuruni mana te mala eni kaisei glepo na. Eghuteuna ka fei fate na, theo kaisei naikno tangomana te fadoglini puhigu iara ranghini mana ka fate na.

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Samuel 15:19

Nu iagho neke theome leghudi nogna cheke mana ra! Ba, mala unha site chari te tei hata iagho glepo te keli area? Tuare glepo te thono diꞌa fara te edi iagho ka Lord re!”

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Thoutonu Eigna Mae Job 37:22

Eghume jaola juta na, juta te phae fabiꞌo fara na jateula gol eghu, sigla mei ke raru. Eghuteuna siasigla gna nogna nolaghi biꞌo God na, tahati mhaghu nodani fara.