Nodi Khoje Hatimare Mae Jiu 89:6 - Buka Blahi Ka Cheke Holo

⁶ Lord God, theo kaisei naikno te au kligna te jateula iagho teuna. Uve, neubane engel puhidire theome keli kolho jateula puhimu iagho eghu.

Nodi Khoje Hatimare Mae Jiu 89:6 ပူးပေါင်းရင်းမြစ်များ

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Nodi Khoje Hatimare Mae Jiu 71:19

God, puhimu iagho na thono doglo fara tei posa ka glepo te au kligna ka maloa gno. Iagho neke edi gloku te biꞌo fara igre eghuteuna glepo igre salaꞌudi fara nomi glalase ghehatire. Uve, God, theo kaisei naikno te jateula iagho teuna.

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Nodi Khoje Hatimare Mae Jiu 113:5

Theo kaisei naikno te jateula God noda Lord tahati gne teu na. Mana mae King te gnokro teu kligna ka nogna sape nafnakno na.

Nodi Khoje Hatimare Mae Jiu 29:1

Ghotilo engel te au kligna ra, ghotilo cheke fakelini Lord. Ghotilo cheke fakelini mana eidi nogna nolaghi biꞌo nei nogna famane gloku te keli eghu te edi mana re.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Nodi Khoje Hatimare Mae Jiu 73:25

God iagho te au teu kligna, kaisei iagho ngala te rouronu nigho iara na. Eigna iagho ngala nogu God iara na, iara theome magnahagheni kaisei glepo ka nauthoglu igne.

Nodi Khoje Hatimare Mae Jiu 89:8

Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.