Nodi Khoje Hatimare Mae Jiu 89:5 - Buka Blahi Ka Cheke Holo

⁵ Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Nodi Khoje Hatimare Mae Jiu 89:5 ပူးပေါင်းရင်းမြစ်များ

Nodi Khoje Hatimare Mae Jiu 97:6

Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Nodi Khoje Hatimare Mae Jiu 19:1

Kate filo haghe ka maloa na, tahati filoni nogna nolaghi biꞌo God na. Eghuteuna kate filo haghedi gobigna lepo ka maloa na igre, tahati thofno filoni nogna famane gloku teke eni mana ka khamegnare.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Nodi Khoje Hatimare Mae Jiu 50:6

Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Thoutonu Eigna Mae Job 5:1

“Job, eha sagho, mala filoni tahati mae ihei nate mei togho nigho iagho na. Ba, ihei ka engel igre nate kiloni iagho te mala mei togho nigho iagho na?

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Ululahu Kronikols 17:11

Kate lehe iagho na, mare na giugilu nigho iagho baludi kuꞌemu ra, eghuteuna iara ginauna vahini kaisei mae thumu iagho mala ke king tughu nigho iagho. Eghuteuna iara ginauna toghoni mana mala kegra heta fabrahu.

Ululahu Kronikols 17:12

King igne ginauna horo nogu suga iara na, eghuteuna iara ginauna vahini koba kaisei mae ka vikegna mana na te mala king na.

Nodi Khoje Hatimare Mae Jiu 61:8

Leuleghu narane na, iara ginauna tusu ari ka iagho unha teke nhaꞌa cheke ne iara mala tusu ari ka iagho teku ia, eghuteuna iara ginauna na koje mala kilo fnakno nigho.

Nodi Khoje Hatimare Mae Jiu 89:30

“Nu jame te theome leghudi mare nogu vetula iara re, nei theome leghudi puhigu iara re teuna, iara na thofno paradi fara ngala mare, naugna mare ne tapla jafra ka nakhibo. Eghuteuna jame te huhughuni mare u vetula te farirhiudi iara mare igne na, nei jaola theome edi mare unha mala edi mare teku iara na, iara ginauna na paradi fara ngala mare eidi nakhibo teke edi mare re.

Nodi Khoje Hatimare Mae Jiu 89:37

Leuleghu fata na kaisei ka mare ngala nate mae king na. Uve, mala jateula glaba te au fabrahu ka maloa na ana eghu, vike igne ginauna na jaola au fabrahu. Eghuteuna glaba te au ka maloa na ana ngala u fagaglana gna te thofno tutuani iara na.”

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.