Nodi Khoje Hatimare Mae Jiu 89:41 - Buka Blahi Ka Cheke Holo41 Naikno te gnafa te salaꞌu ka vido tuana, mare blau fateo nogna glepo mana re, eghuteuna naikno te au namo teu ka mana re mare maꞌeni mana. အခန်းကိုကြည့်ပါ။ |
Nodi Khoje Hatimare Mae Jiu 89:41
18 ပူးပေါင်းရင်းမြစ်များ
Lord, tifa na iagho neke keli fara ka nou naiknore. Iagho thosei diꞌatamu ka namono Jerusalem. Naugna Saion gne nou Thogele Blahi iagho. Naiknodi keha kantri te namo ka ghehati igre cheke fadiꞌani nei cheke faparini eghu Jerusalem. Eghuteuna jaola eidi nakhibomi ghehati baludi glepo te diꞌa teke edi kuꞌemi ghehati tifa ra.
Lord ne cheke eghu, “Naiknodi Israel igre jateula sipu te ngolhi tafridi lion ra eghu. King gna Asiria teke kulu goigonidi mare na jateula lion te ghamudi sipu ra teku. Eghuteuna King Nebukadnesa gna Babilonia igne mae leghu lahu teke kina ngujadi mare jateula lion te kathu nguanguja nhubra sipu ra neku.”
Iara ginauna paradi fara iheire fateo te au faleghu ka namono Juda, eghuteuna magnahaghei fara te mei au Ijep. Neuba ne mae biꞌo, ba fiti mae kolho, mare te gnafa na ginauna lehe Ijep ka magra, ba ka vido te rofo. Kate nomhini igne, naiknodi keha kantri igre ginauna rhana nodi fara na cheke fadiꞌa ghami ghotilo. Eghuteuna naiknore ginauna tibri ghami ghotilo mala thoke mei puhi biꞌo ka ghotilo.
Iara diꞌatagu fara ka puhi te tarai ghotilo ka mumuju teke edi themi are, eghuteuna ghotilo gahu insens mala pogho soru ka keha god di Ijep. Ghotilo ginauna goigoni ghami themi kolho. Eghuteuna naikno gna nauthoglu igne ginauna cheke fadiꞌa ghami ghotilo. Naiknore ginauna cheke faparidi nanghami ghotilore mala thoke mei puhi biꞌo ka ghotilo.
Igne unha te chekeni Lord mae ihei te au nolaghi fateote'o na, nei nodi God maedi Israel, ‘Jame te tei ghotilo Ijep na, iara ginauna diꞌatagu fara ka ghotilo, jateula teke diꞌatagu iara ka naiknodi Jerusalem tifa ra eghu. Ghotilo ginauna theome tangomana na teke pulo mei ka namono igne. Kate ghatho ghami ghotilo na, naiknore ginauna rhana nodi fara na cheke fadiꞌa ghami ghotilo. Naiknore ginauna tibri ghami ghotilo mala thoke ghami ghotilo puhi biꞌo.’ ”
Iara ginauna na fakokhoanadi fara ka naꞌau papara biꞌo, eghuteuna kate nomhini igne, naiknodi keha kantri ka nauthoglu igne ginauna mhaghu nodi fara balu fififri. Iara ginauna ngolhi tafridi, eghuteuna aheva te tei au mare na, naiknogna vido tuana ginauna rhana nodi fara balu nagho. Aonu naikno gna namono igne ginauna cheke fadiꞌa balu tibri mala thoke mei hoholo ka mare.
Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.
ကြော်ငြာတွေ