Nodi Khoje Hatimare Mae Jiu 89:34 - Buka Blahi Ka Cheke Holo

³⁴ Uve, iara ginauna na theome ari fadidiꞌa nogu nhaꞌa cheke balugna mana na, eghuteuna iara ginauna na theome tuthughu kaisei glepo ka nhaꞌa cheke tuana.

Nodi Khoje Hatimare Mae Jiu 89:34 ပူးပေါင်းရင်းမြစ်များ

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Levitikas 26:44

Nu ka narane tuana kani au nga teu mare ka nodi kantri mae nodi naoka re, iara ginauna theome tangomana te thofno lisa kokodi mare, ba thododi mare, mala goigonidi mare hui. Eghuteuna iara theome tangomana te huhughuni nogu nhaꞌa cheke baludi mare ia, naugna iara Lord, nomi God ghotilo. Iara ginauna toghodi mare, naugna iara ginauna ghathoni nogu nhaꞌa cheke iara ia. Nhaꞌa cheke igne iara neke eni balumi ghotilo kani teke hata fajifla ghami iara Ijep ka tathadi keha naikno ra mala nodi God mare. Iara Lord.”

Profet Jeremaea 33:20

Lord ne cheke eghu, “Ghema Jeremaea, iara neke eni kaisei nhaꞌa cheke baludi narane ghe bongi, eghuteuna leuleghu fata na narane na phage haghe koba hamerane boibongi, eghuteuna bongi na ginauna na jaola plulu koba fei grafi. Eghuteuna theo kaisei naikno nate huhughuni nhaꞌa cheke igne.

Fapea Samuel 7:15

Nu iara ginauna na namhani mana fabrahu jateula teke eni iara ka mae King Sol ia eghu, iara neke brue fajiflani mana, eghuteuna iagho teke king tughuni mana na.

Ululahu Kings 11:39

Naugna nakhibo te edi King Solomon igre, iara ginauna paradi vikegna King Devet igre, nu papara igne ginauna na theome eghu fabrahu.’ ”

Ululahu Kronikols 17:13

Iara ginauna mala kmagna mana, eghuteuna mana ginauna mala thugu iara. Iara ginauna theome gnafa te ghatho tahuni mana na, jateula teke eni iara ka King Sol kani teke nhaꞌa soruni iara mana ka nogna sape nafnakno na teke fakegra king tughuni mana iagho gne eghu.